Malaquías 4:4 - Kashibo-Kakataibo Biblia

⁴ ꞌËn uni Moisés aín bashi Horeb kakë anuxun usai ꞌiti ꞌën bana ꞌinan a kamina sinánkanti ꞌain. ¡Ax ka kamabi Israel unikaman ax kikësabiokin ꞌati ꞌiakëxa!

Malaquías 4:4 ပူးပေါင်းရင်းမြစ်များ

Isaías 42:21

Nukën ꞌIbu an ka ax Dios ië́mianankë ꞌixun, aín bana ax ka chaiira ꞌianan kushi ꞌikë kixun ꞌunánmisa tankëxa:

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Jeremías 6:16

Nukën ꞌIbun ka ꞌain unikama ësakin kakëxa: Bainu nirakëxun isi kamina, uisai kara mitsun chaitiokëkama ꞌën ꞌinánkë ꞌën bana ꞌai tsóakëxa kiax ñukákananti ꞌain, uisai kara uni upitax tsóti ꞌikë kiax; usakin ꞌai kamina a ꞌunánkin ax kikësokin ꞌai ꞌupitax tsókanti ꞌain. ꞌAínbi ka atux kia: Nux kananuna usai i tsótisama tanin.

Romanos 3:31

¿Jesucristo cupíshi cana ꞌën ꞌucha tërë́ncë ꞌaish Nucën Papa Diosan iscëx upí ꞌai quixun sinánquin caranuna Nucën Papa Diosan bana Moisésnën cuënëo ax ca cuatima ꞌicë quixun sinánti ꞌain? Usama ca. Jesucristomi catamëtishi cananuna asérabi Nucën Papa Diosan bana quicësabi oíira ꞌiti ꞌai quixun cananuna unicama ñuixunin.

Deuteronomio 4:10

A nëtë kamami mitsux aín bashi Sinaí kakë anu ꞌain ka Nukën ꞌIbu Diosan ësokin ꞌë kakëxa: Kamabi unikama kamina ꞌën bana kuakin ꞌunánkian uisakinra kara kamabi nëtën ënë menu tsókin ꞌain bakë bëchikamanribi atun ꞌakësaribi okin ꞌanun ꞌunánmiti ꞌikën.

Deuteronomio 4:23

ꞌAínbi kamina anu kuantankëxun Diosan mitsubëtan achúshi ñu ꞌakë a manutima ꞌain. Manukin kamina a rabinuxun ñu unionan uisa ñubi tankin Diosan a ꞌaxuma ꞌanun mitsu kakë a ꞌatima ꞌain,

Deuteronomio 8:11

Usa ꞌain kamina Nukën ꞌIbu Diosmi manútima bërúankakin ax kikësabiokin ꞌati ꞌain. ꞌAkin kamina ax kikësaibi oi ꞌiti aín bana a tanti ꞌain, ꞌën mitsu bërí kakë aín bana ënëx kikësabiokin ꞌakánti ꞌain.

Deuteronomio 8:19

Aínbi ka Nukën ꞌIbu Diosmi manukuainxun mitsun, bëtsi dioskama rabia ꞌën sinánkëxun mitsu ꞌatima okin këñuti ꞌikën.