Malaquías 4:3 - Kashibo-Kakataibo Biblia

³ A nëtë usakin ꞌati ꞌën mëníokë nëtë anun kamina mitsun an ñu ꞌatima ꞌakë unikama chimapu amákësa okin chakati ꞌain.

Malaquías 4:3 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

2 Samuel 22:39

¡Usokin ꞌakin kana axa ꞌëmi nishkë unikama këñukin ꞌakën! ¡Këñuxun kana tukapaxun buküankën, usokëx ka an ꞌë ubiotëkënti uni ꞌaíma ꞌiakëxa: usokin kana ꞌën taën amákësa okinshi kupitanuma ꞌakën!

2 Samuel 22:43

¡Usokin kana atu maërakatia me kupúkë tákikësai ꞌia nëtë́tanun ꞌakën, ꞌakin kana atu këñukin unían anun nikin me tëi amákëxa chë́kikë usai ꞌitánun ꞌakën!

Job 40:12

Usakin ꞌakin kamina mix kushi ꞌixun axa rabiakakë unikama a min kushínbi, uinu kara ꞌia anuabi barixun ꞌanan sinan ꞌatimañu unikamaribi ꞌatima okin masóti ꞌain.

Salmos 91:13

ꞌIanan kamina paru ꞌinúan ꞌimainun, ñuinakan ꞌëobu runu akama nëbëtsi nikëbi ka mi uisabi otima ꞌikën.

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Miqueas 5:8

Usa ꞌain ka bëtsi ëmakama nëbë́tsia bërúkë, Jacobnën rëbúnkikama ax achúshi paru ꞌinúansa ꞌaish raëkë ñuinakama nëbëtsi ꞌianan, paru ꞌinúan achúshi anua ovejakama ꞌarakakë anu ꞌikësa ꞌiti ꞌikën, usa ꞌain ka inúkinshi bixun aín ꞌuntsisan tukapakë usaribi ꞌiti ꞌikën, usakin ꞌakin ka achúshinëxi abati ꞌiakëtanun ëntima ꞌikën.

Malaquías 3:17

Kamabi kushiñuira Dios ax ka ësai kia: ꞌËn kana anua a unikama ꞌënan ꞌitëkënti achúshi nëtë mënion. Usakin ꞌakin kana achúshi unían an ñu mëëkinkë aín bëchikë nuibakë usaribi okin atu ꞌën nuibati ꞌain.

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 14:20

Usoquian anuxun uvas bimi chinínti anu bucunia cana isan. Iscëx ca ëmanuax anuxuan chiníncancëx ꞌaisamaira imi ëbánquianxa. A imi ëbanquianxa racácë, aín nëmin ca caballo nicë aín cuëbí sënën ꞌiaxa. Usa ꞌaish ca a imia me mapubiani ëbánquiancë, ax trescientos kilómetros sënën ꞌiaxa.