Malaquías 3:2 - Kashibo-Kakataibo Biblia

² ꞌAínbi kara, ¿uin anúan ꞌuti nëtë a sënë́nkëbë ax ukëbëtan tënëti ꞌik? ¿Usa ꞌain kara uix ñu ꞌatima ꞌai ꞌuchakëma ꞌaish a bëtánain anubi niti ꞌik? Ax ka tsi ërë́tia iskësa ꞌaish nukama upí ꞌinun mëníonux ꞌuti ꞌikën; ꞌianan ka jabonan chukakëxun chupa chua tërëkakësa usaribi okin nun ꞌucha tërë́kati ꞌikën.

Malaquías 3:2 ပူးပေါင်းရင်းမြစ်များ

Génesis 19:28

kuantankëx nirakëkin ka Abrahamnën Sodoma ꞌimainun Gomorra, kakë ëma aubësukin isakëxa, iskin ka kamabi me kuainakëkë amiaxa naë nënkësa ꞌinun kuin chaiira, chikitia isakëxa.

Salmos 130:3

ꞌËn ꞌIbu Dios, minmi unin ꞌucha ꞌunánkëbë kara, ¿uix mi rapasu kuanti ꞌik?

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Jeremías 2:22

Anun chupa uxu ꞌitánun chukakë a ꞌimainun, anun chupa chukati ñu anun uitishi okin chukakëxbi ka ꞌën iskëx mitsun ꞌucha anubi ꞌiti ꞌikën. ꞌËx Mitsun ꞌIbu ꞌaish kana usai kin.

Joel 2:11

Nukën ꞌIbux ka aín suntárukama bëtanainuax kaná banakësari banai kiti ꞌikën. Usa ꞌain ka aín suntárukama ꞌaisamaira ꞌaish uínbi tupunkin sënëoinsamaira ꞌixunbi an kakësabiokin ꞌaia. ¡Usa ꞌain ka anun Nukën ꞌIbu ꞌuti nëtë ax chaiira ami rakuë́ti nëtë ꞌikën! Usa ꞌikë ka uínbi tënëtima ꞌikën.

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.

Mateo 25:10

Cacë́xa sinánñuma xanucama xënisa ñu bitsi cuancëbë ca an xanu biti uni uaxa. Aía atsíncëbë ca sinánñu xanucamaribi abëtan pinux xubunu atsíanxa. Atsíncëbëtan ca xëcuë xëocatëcëinsama oquin xëpuaxa.

Marcos 9:3

Bëtsicëbë ca aín chupa uxuira ꞌaish chabachabaquicësa ꞌiacëxa. Usa ꞌaish ca ënë menu ꞌicë unínbia chupa chacaquinbi uxuocësamaira ꞌaish uxuira ꞌiacëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 3:17

An ñu ꞌapácë unin ꞌacësaribi oquin ca ꞌati ꞌicën. Ca ësa ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Lucas 3:9

Ësa ca. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Lucas 7:23

Usaquin canan camina, ꞌë ñui Nucën Papa Diosan xucëma ca ax ꞌicë quima ax ꞌëmi sináncë unicamax ca chuámarua ꞌi cuëënia, quixunribi Juan cai cuanti ꞌai —quixun ca Jesusan Juanën xucë unicama cacëxa.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Apocalipsis 19:8

Usa ꞌain ca aín unicama chupa chuañuma, uxua upíira pañucësa ꞌicën. Banaia ësai quia cana cuan. Axa Jesucristomi catamëcë unicaman pañucë chupa, ax ca aín nuitu upí ꞌixun upí ñu ꞌacë a ꞌunántiocë ꞌicën.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.

1 Samuel 6:20

Usokin an ka Bet-semes anu tsókë unikama kiakëxa: ¿Uin kara anubi nixun Nukën ꞌIbun ax upíira ꞌixun ꞌatimokëxun tënëti ꞌik? ¿Uimi okin karanuna bunántisa okin ꞌakë anua Diosan bana ꞌikë ënë numa ꞌatimoia xuti aín?