Malaquías 2:9 - Kashibo-Kakataibo Biblia

⁹ Usa ꞌaínbi kamina mitsun ꞌën kakësabiokin ꞌakëma ꞌain, ꞌimainun kamina ꞌën bana ꞌunámikin bëtsi uni ꞌakësaribi okin, kamabi atu sënë́nbi ꞌunánmi kikëma ꞌain, usa ꞌain kana ꞌënribi kamabi unikaman mitsu timakin ꞌatima onun ꞌamiti ꞌain. Kiax ka kamabi kushiñu Dios ax kiaxa.

Malaquías 2:9 ပူးပေါင်းရင်းမြစ်များ

1 Reyes 22:28

Ësakin kaiabi ka Micaíasnën katëkëankëxa: “Mixmi uisaibi ꞌima asábi utëkënkë, ax ka Diosan kamikëxun ꞌën mi kakëma ꞌiti ꞌikën.”

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Malaquías 2:3

“Usa ꞌain kana ꞌën sacerdote ꞌikëbi anua chikínkin aín bëmánanu Israel unikaman ꞌë xaroxuntia bëkë ñuina puikë anubi mitsun bëmánanu ꞌati ꞌain. ¡Usakin pain ñuinakan puin ꞌatankëxun kana ꞌakëñunbi mitsu chikínti ꞌain!

Malaquías 2:8

ꞌAínbi kamina sacerdotekama mitsun upí ñu ꞌati a manukin ꞌë ënkan; usa ꞌain ka mitsun ꞌatimakin ꞌunánmikëx ꞌitsaira uni ꞌatimati tsotia. Usakin kamina mitsun ꞌën Levítan rëbúnki kamabëtan achúshi ñu ꞌa ax kikësabiokin ꞌakaniman.

Lucas 10:29

Usoquin cacëxun ca an Moisésnën cuënëo bana ꞌunáncë unin amiribishi ñucátëcëncatsi quixun Jesús catëcëancëxa: —¿ꞌËn aintsicama ꞌacësaribiquin carana ui unicamaribi nuibaquin ꞌaquinti ꞌain?

Lucas 11:42

Catancëxun ca ësaquinribi Jesusan atu cacëxa: —Fariseo unicama, mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina Nucën Papa Dios anuxun rabiti xubunuxun ñu ꞌacë unicama mitsun pitimi anun nëish ocë robi mësú ꞌinanin, Moisés quiásabi oquin. Usa ꞌixunbi camina a bana itsi, axa quicësabi oi ꞌiti, axa quicësa oquin ꞌaiman. Nucën Papa Diosmi upiti sinánan upí sinánñu ꞌixun uni ꞌaquinti, acama camina ꞌaiman. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ro mësúribi ꞌinánti ca asábi ꞌitsíanxa.

Gálatas 2:6

—Axa ami sináncë unicaman cushi ꞌinun Jesucristonën ꞌimicë ca atux ꞌicë —quixun unin cacë ꞌixunbi ca a unicaman bëtsi ñu ꞌanun ꞌë cáma ꞌicën. A unicamax nun cushi ꞌaínbi cana ꞌën ꞌunanin, Nucën Papa Diosan ca aín nuitu ꞌunánquin, camabi uni asérabi uisa uni cara quixun ꞌunania.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.