Malaquías 1:9 - Kashibo-Kakataibo Biblia

⁹ Mitsun kamina Dios nukama nuibanun kixun abë banakin kati ꞌain. ꞌAínbi kamina usakin a ꞌinánti ñu a ꞌinánkin Diosan ka a ñukama upíokin bitsia kixun mitsun sinánkantima ꞌain. Dios kamabi kushiñu ax ka ësai kia:

Malaquías 1:9 ပူးပေါင်းရင်းမြစ်များ

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Jeremías 26:19

¿ꞌApu Ezequías ꞌimainun kamabi Judá menu ꞌikë unikaman kara an bana ñuikë uni Miqueas rëtëakëx? Usakin ꞌati ka sinánma ꞌikën: ꞌapun ka ami rakuë́kin Dios atuisa nuibanun kixun kakëxa. Usa ꞌain ka Nukën ꞌIbun usai ka ñu ꞌiti ꞌikë kixuan aín unikaman ñuia usaía atunu ꞌinun ñu ꞌatima ꞌimiama ꞌikën. ¿Usa ꞌain karanuna nukaman an bana ñuikë uni ꞌatankëxun chaiira ꞌucha papikë ꞌiti ꞌain?” (Kiax ka ꞌain tukurikubu unikama atux kiakëxa.)

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Joel 2:17

Sacerdotekama an Diosan ñu mëëti ꞌakë mitsuxribi kamina utankëx Dios ñukáti inti ꞌain. Usai ini ka anuxun Dios rabiti xubu a bëtanaia ꞌikë anuxun ñuina xaroti ꞌakë anu sëtëtax ësai kikanti ꞌikën: “Nukën ꞌIbu Dios min unikama kamina atun ꞌakë ñu ꞌatimakama mëníoxunti ꞌain; ꞌanan kamina ñuumara ka atux ꞌikë kiax numi uinu ꞌikë uníxbi kuainun ꞌimitima ꞌain, nux kananuna min kaískë unikama ꞌai usa ꞌain; ꞌianan kamina bëtsi ëmanu ꞌikë unikaman atun kuëënkësokin ꞌamainun an bëtsi ñu rabikë unikaman numi kuaikin: ¿Uinu kara mitsun Dios ꞌik? kixun nu kanun ꞌimitima ꞌain.

Amós 5:22

ꞌËn kana mitsunmi ñuina ꞌaímai xarátanun ꞌë xaroxunkë abi kuëëniman, ꞌimainun kana ꞌë ꞌinaínshiti bikë ñu bimikama abi istisama tanin; ꞌianan kana vaca bakë xuairabu anúnmi mitsux ꞌuchakë mëníokakanti ꞌë ꞌaxunti mi bëkankë akamabi istisama tanin.

Juan 9:31

Cananuna ꞌunanin, an ñu ꞌatima ꞌacë unin bana ca Nucën Papa Diosan cuatima. An a ami sinánquin a rabianan axa cuëëncësa oquinshi ꞌacë uni, aín bana cuni ca Nucën Papa Diosan cuatia.

Romanos 2:11

An ca judíos unisaribi judíosma unicamaribi isia.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.