Malaquías 1:4 - Kashibo-Kakataibo Biblia

⁴ Esaúnën rëbúnki edomitakama ax ka kisatani ësai kiti ꞌikën: “Nukamax kananuna numi nishkë unikaman këñúkë ꞌian, ꞌaínbi kananuna amiribishi nun ëma birutëkënti ꞌain kiax ka kiti ꞌikën,” ꞌaínbi ka Dios kamabi kushiñu an atu kati ꞌikën: “Mitsun kamina amiribishi birutëkënti ꞌain, ꞌaínbi kana amiribishi ꞌën rurupatëkënti ꞌain.” Usakin ꞌakë ka unin a me anua uni ñu ꞌatima ꞌakëishi tsókë kakin a me anëti ꞌikën, anëanan ka amia Dios sënënima nishkë me kakin anëti ꞌikën.

Malaquías 1:4 ပူးပေါင်းရင်းမြစ်များ

Salmos 127:1

Nukën ꞌIbun xubu ꞌakëbëma ka an ꞌakë unikama an tëkëbi ñankanbi tëkë ꞌiti ꞌikën; Diosan ëma bërúankëbëma ka ñankáishibia an bërúankë unikaman bërúankë ꞌiti ꞌikën.

Salmos 137:7

Nukën ꞌIbu Dios edomita unikamax, Jerusalén ami nishkë unikaman ꞌakëbë ësai kia, a kamina sinánti ꞌain: ¡A ëma ka ami birukian ꞌa akama rurupakin ꞌakin këñuti ꞌikën!

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Jeremías 31:17

Min kamina uisa upí ñu kara minan ꞌinuxun ꞌaia a kaínti ꞌain: min tuákamax ka amiribishi aín menu utëkënti ꞌikën. ꞌËx min ꞌIbu ꞌaish kana asérabi ësai kin:

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Amós 3:15

ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Amós 6:11

Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.

Amós 6:2

Calné kakë ëma anu kuanxun kamina isti ꞌain; anuax kamina Hamat kakë ꞌimainun, filisteo unikama anu ꞌikë Gat kakë ëma anu kuabuxun uisa ñu kara anu ꞌia isikuanti ꞌain. ¿Mitsux kaina a ëmakamasamaira upíira ꞌikanin? ¿Mitsun ëma ax kara atun ëmasamaira ꞌik?

Malaquías 1:3

ꞌakin kana Esaú ashi nuibati kuëëanma ꞌain. Usa ꞌain kana anua Esaú ꞌikë me axa bashi me niñu ꞌikëbi anu uni ꞌikëma me ꞌinun ꞌimiakën, usakin ꞌimikëbë ka a menu ñuina raëkëma kamaishi bërí anu ꞌikë kiax ka kia.

Mateo 12:30

Ësaribi ca. Unían bërúanquin timëcëma ꞌaish ca aín ꞌaracacë ñuinacama tsuáquia. Usaribi oquin ca an ꞌëmia sinánun uni ꞌaquincëma uni an ꞌëmi sinánxma ꞌinun uni ꞌimia.