Malaquías 1:2 - Kashibo-Kakataibo Biblia

² Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Malaquías 1:2 ပူးပေါင်းရင်းမြစ်များ

Génesis 25:23

usakian ñukákëxun an kakëxa: “Min pukumëu ka tuá rabë́ ꞌikën, ax ka rabë́ ëma ꞌiti ꞌikën, usa ꞌaish bakënkëma ꞌaíshbi ubionania. Achúshinëx ka kushiira ꞌaish bëtsisama ꞌiti ꞌikën, aín apan ax ka aín ꞌanáka meu ꞌiti ꞌikën, usa ꞌain ka ꞌanáka ax kushiira ꞌinuxun ꞌaia.”

Génesis 25:25

A paian Rebeca bakënkë ax ka ranshin ꞌaish raninbaë ꞌiakëxa, usa ꞌikë ka a tuá Esaú kakin anëakëxa.

Génesis 25:26

Usai ꞌikin aín apan Esaú aín taë tsiputu tuinbëtsini aín ꞌanáka chikíakëxa, usaía ꞌikë a ka Jacob kakin anëakëxa. Usaia aín xanu Rebeca a tuá rabë́ bakënkë ꞌain ka Isaac ax setenta baritiañu ꞌiakëxa.

Génesis 27:33

Ësokian aín bëchikënën kakëx ka Isaac ratuti sinánkasmai aín bana, bëtsi tërëkin aín bëchikë kakëxa: —Usa ꞌain kara, ¿ui kara an ꞌë ꞌabëtsinxun ñuina nëishokin ꞌaruxun bëxunkë ax ꞌiax? ꞌËn kana mix uisama pain ꞌain kamabi pian, pitankëxun kana ꞌën a upíokin sinánxuan usa ꞌaish ka bërí ax upíokin sinánxunkë bëruaxa.

Génesis 48:4

ënë bana ꞌë kakëxa: Ka kuat, ꞌën kana mixmi ꞌaisamaira min bakë bëchikë ꞌimainun min rëbúnki kamaxribi amami amami ëma oi bukunun ꞌimiti ꞌain. Usai ꞌia ꞌikë kana min rëbúnkikama ënë me ꞌinánti ꞌain. Atunan ka ënë me xënibua ꞌaínbi ꞌinuxun ꞌaia.

1 Reyes 10:9

¡Min ꞌIbu Diosan ka min Dios ꞌixun, upíokin ñu ꞌaia iskin nuibakin Israelkaman ꞌapu ꞌinun mi ꞌimiaxa! ¡Xënibua ꞌaínbi Israelkama ꞌikë mikama nuibakin Diosan, ꞌapu ꞌixunmi ꞌaisama okinma ñu atu ꞌaxúnti mi anëxuanxa usa ꞌain kamina bërí ꞌapu ꞌain!

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Isaías 63:1

¿Ui kara axa Bosrá kakë ëma chaiira Edom kakë menua ꞌikë anuax ai, aín chupa chëxëira tsákatsaka okë upíira a pañuax ain kushibëshi ukë ax ꞌik? ꞌËx kana kana kanan kixun ꞌupiokin ñu ꞌakë a ꞌianan, kushiira ꞌixun an uni ië́miti a ꞌain.

Jeremías 2:31

(Axa bërí tsókë mitsun kamina ꞌën bana upíokin kuati ꞌain, ꞌëx kana Dios ꞌain.) Israel unikama, ¿ꞌëx karana anu uni ꞌikëma mesa mitsunan ꞌian? ¿ꞌianan karana anua me ꞌitsaira bëánkibukë chichabiantisama usaribi mitsunan ꞌian? ꞌËn unikama, ¿uisa kupín kaina: bërí kananuna uisa ñu ꞌatimabi inútima ꞌai kianan, uínsaranbi kananuna mi sinántëkëntima ꞌai kikanin?

Jeremías 2:5

Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Malaquías 2:17

Nukën ꞌIbu Dios ka mitsun bana kuati atsanxa; usa ꞌaínbi kamina mitsux ñukanani kin: “¿Uisai karanuna nun bana kuatia Dios numi atsanun nukamax kian?” Mitsux kamina ësai kikan, Diosan ka ñu ꞌatima ꞌakë unikama a upí isia, ꞌimainun ka atubë kuëënia. Mitsun kamina Dios an ka ꞌupiokin ñu ꞌaima kixun sinánkanin.

Lucas 10:29

Usoquin cacëxun ca an Moisésnën cuënëo bana ꞌunáncë unin amiribishi ñucátëcëncatsi quixun Jesús catëcëancëxa: —¿ꞌËn aintsicama ꞌacësaribiquin carana ui unicamaribi nuibaquin ꞌaquinti ꞌain?

Juan 15:12

Ënëx ca asérabi ax quicësaími ꞌicanti bana a ꞌicën: ꞌËn mitsu nuibacësaribiti camina bëtsibë bëtsibë nuibananti ꞌain.

Deuteronomio 10:15

Usa ꞌain ka Nukën ꞌIbu nun chaitiokëkama nuibakëxa, nuibakin ka aín rëbúnkikama kaisakëxa, a kananuna nux ꞌain, usa ꞌaish kamina bëtsi ëmanu ꞌikë uni kamasama ënu nux bërí ꞌain.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.