Lucas 9:56 - Kashibo-Kakataibo Biblia

⁵⁶ Nucën Papa Diosnuax uá, ꞌëx cana uni ꞌatimonux uáma ꞌain. Atux upiti bucunun ꞌië́minux cana uacën. Catancëx cuanx ca bëtsi ëmanu cuancëxa.

Nukën 'Ibu Diosan ain unikama 'inan ain bana

⁵⁶ Nucën Papa Diosnuax uá, 'ëx cana uni 'atimonux uáma 'ain. Atux upiti bucunun 'ië́minux cana uacën. Catancëx cuanx ca bëtsi ëmanu cuancëxa.

Lucas 9:56 ပူးပေါင်းရင်းမြစ်များ

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Mateo 18:11

Uni ꞌinux cana ꞌëx Nucën Papa Diosnuax uacën, unicama ami sináncëma ꞌaish ainanma ꞌicëbi ainan ꞌinun ꞌië́minux.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 5:39

Usai quiá ꞌaínbi ꞌën mitsu cain, mitsua ꞌatimocëxunbi camina ami nishquin cupiquin ꞌatimotima ꞌain. Usoquin ꞌaquinma camina mitsua mëqueu bëtáshcacëxun ꞌaisa tania amoribia mitsu bëtáshcanun ꞌamiti ꞌain.

Lucas 19:10

ꞌUchañu unicama ainanma ꞌicëbi aín ꞌucha tërë́ncë ꞌianan ainan ꞌinun ië́minux, cana Nucën Papa Diosnuax uni ꞌinux uacën.

Lucas 22:51

Usaquian aín pabí tëaia oquin ca Jesusan cacëxa: —Usoxunma ca ꞌat. Caquin mëcënan pamëquin ca aín pabí usabi ꞌitëcënun mómiacëxa.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Lucas 9:55

Cacëx cuainacëquin isquin ca Jesusan ñu caquin cacëxa: —Usaquin cananuna ꞌatima ꞌain. Mitsux ꞌënan ꞌixunbi camina uisaira cara ꞌën uni ꞌiti ꞌicë quixun ꞌunaniman.

Lucas 9:57

Bain cuania ca achúshi unin Jesús cacëxa: —Uinu caramina mix cuani anuribi cana ꞌëx mibë cuanti ꞌain.

Juan 10:10

Axa mëcamacë unicama, ax ca mëcamanan ꞌaracacë ñuina rëquin ꞌatimoi aia. Usa ꞌaínbi cana ꞌëx a unicaman ꞌacësa oquin ꞌaquinma ꞌëmi catamëtia upitax bucunun unicama ꞌimi uacën, bamatancëxribia xënibua ꞌaínbi Nucën Papa Diosbë ꞌinun.

Juan 12:47

Uinu ꞌicë unin cara ꞌën bana cuaquinbi ꞌëx quicësabi oquin ꞌaima, a uni cana ꞌën ꞌuchoiman. ꞌËx cana ënë nëtënu ꞌicë uni ꞌuchoi uáma ꞌain. Atúxa Nucën Papa Diosnan ꞌinux ië́nun cana uacën.

Juan 3:17

Nucën Papa Diosan ca aín Bëchicë an ënë menu ꞌicë unicama aín ꞌucha cupí ꞌuchonun xuáma ꞌicën. Ama, ënë menu ꞌicë unicama aín ꞌucha tërë́nquin ainan ꞌinun ië́minun quixun ca xuacëxa.

Romanos 12:21

Mitsúxribi ꞌuchatin rabanan camina mitsu unin ꞌatimocëxunbi usaribi oquin cupitima ꞌain. Usoquinmi nuibacëx ca ax sinanati ꞌicën.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.