Lucas 9:51 - Kashibo-Kakataibo Biblia

⁵¹ Anúan aín Papa Diosnu cuantëcënti nëtë ꞌurama ꞌain ca Jesusan Jerusalénu cuantëcënti sináncëxa.

Nukën 'Ibu Diosan ain unikama 'inan ain bana

⁵¹ Anúan aín Papa Diosnu cuantëcënti nëtë 'urama 'ain ca Jesusan Jerusalénu cuantëcënti sináncëxa.

Lucas 9:51 ပူးပေါင်းရင်းမြစ်များ

2 Reyes 2:11

Ësai kia a rabëtax kanankiani kuankëbëbi ka Diosanbi ꞌimikëx, bënëtishi achúshi caballonan nirinkë anu tsi rëkirukësa ꞌimainun caballonuribi tsi rëkirukësa ax mërakëxa, mërakëbëa Elías abë ënanani anu ꞌiruia ka suñúan kushiira mañákë anbi birubiankin naíkamë ꞌëonu buánkëxa.

Marcos 16:19

Usaquin aín ꞌunánmicë unicama catancëx ca Nucën ꞌIbu Jesus, aín mëqueu ꞌaish Nucën Papa Diosbë cushi ꞌi, naínu cuancëxa.

Lucas 12:50

Usai ꞌia ꞌinun cana ꞌën pain ꞌaisamaira oquin tëmëraquin paë tanti ꞌain. Usaquin ꞌën tëmëraquin paë tanti ashi sënë́oncatsi cana bënëtin.

Lucas 13:22

Jerusalénu cuani, ëma chacamanu cuanan, ëma chucúmacamanuribi cuanquin ca anu ꞌicë unicama Jesusan, bana ñuixunquin ꞌunánmiacëxa.

Lucas 17:11

Jerusalénu cuani ca Samaria me ꞌimainun Galilea meribi nëtábiani Jesús cuancëxa.

Lucas 18:31

Bain cuanquin ca ꞌitsa uni anu ꞌaínbi Jesusan aín ꞌunánmicë unicama abëa ninun quixun cuënbianquin cacëxa: —Bërí cananuna Jerusalénu cuanin. Cuanx bëbaxnu anu ꞌain ca an Nucën Papa Dios quicë bana uni ñuixuncë unían ꞌë ñui quiásabi oi ꞌiti ꞌicën.

Lucas 19:11

Usa ꞌain ca Jesusan Zaqueo caia cuaquin, Jerusalén ꞌurama ꞌain, abë ꞌicë unicaman sináncëxa, —Jerusalénu bëbatancëx ca Nucën Papa Diosan ꞌimicëx Jesúsëshi judíos unibunën ꞌapu ꞌiti ꞌicë —quixun.

Lucas 19:28

Usaquin bana itsi ñuicësoquin ꞌapu ñuiquin unicama cabiani ca Jesús Jerusalénu cuanti sinánbiani cuancëxa.

Lucas 24:51

Usaquin ñucáxuntancëxun acama ëbiani ca anua Nucën Papa Dios ꞌicë anu cuancëxa.

Lucas 9:57

Bain cuania ca achúshi unin Jesús cacëxa: —Uinu caramina mix cuani anuribi cana ꞌëx mibë cuanti ꞌain.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 16:5

Bërí cana an ꞌën xuá anu cuanin, abë ꞌi. Ësaquin ꞌën cacëxunbi camina mitsu achúshinënbi uinuira carana cuanin quixun ꞌë ñucatiman.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 6:62

¿Ënë bana cuaquinma caramina uisaxun mitsun ꞌëx anuax uá anu cuantëcënia isquin sinánti ꞌain?

Hechos 1:2

An ca naínu cuainsama pain ꞌixun Nucën Papa Diosan Bëru Ñunshin Upitan ꞌaquincëxun an aín bana unicama ñuixunun xuti unicama caísacëxa. Acamax ca aín ꞌunánmicë uni ꞌiacëxa. Caístancëxun ca añu cara ꞌati ꞌicë quixun ꞌunánmiacëxa.

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 6:20

Cristo axa anua Nucën Papa Dios ꞌicë anu ꞌain cananuna nuxribi anu abë ꞌiti ꞌain. Ax ca nëtë́timoi xënibua ꞌaínbi usabi sacerdotenën cushicaman ꞌapu ꞌaish, an aín unicama Nucën Papa Dios ñucáxunti a ꞌicën, Melquisedec ꞌiásaribiti.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.