Lucas 9:50 - Kashibo-Kakataibo Biblia

⁵⁰ Cacëxun ca Jesusan cacëxa: —Usoquin ꞌaxunma ꞌanun camina catima ꞌain. Axa nu ñui quicëma uni ax ca nubë upí ꞌicën.

Nukën 'Ibu Diosan ain unikama 'inan ain bana

⁵⁰ Cacëxun ca Jesusan cacëxa: —Usoquin 'axunma 'anun camina catima 'ain. Axa nu ñui quicëma uni ax ca nubë upí 'icën.

Lucas 9:50 ပူးပေါင်းရင်းမြစ်များ

Mateo 12:30

Ësaribi ca. Unían bërúanquin timëcëma ꞌaish ca aín ꞌaracacë ñuinacama tsuáquia. Usaribi oquin ca an ꞌëmia sinánun uni ꞌaquincëma uni an ꞌëmi sinánxma ꞌinun uni ꞌimia.

Mateo 17:24

Capernaúmnu cuanxa Jesús ꞌimainun aín ꞌunánmicë unicamax bëbacëbëtan ca an anuxun Nucën Papa Dios rabiti xubu anun mëníoti curíqui bicë unin anu cuanquin Simón Pedro ñucáquin cacëxa: —¿Mitsun ꞌibun cara curíqui, anun anuxun Nucën Papa Dios rabiti xubu mëníoti, ꞌinanimin?

Mateo 17:26

Cacëxun ca Simón Pedronën cacëxa: —Aín aintsicamama, bëtsi unicama ca a curíqui ꞌinánun quixun caia. Cacëxun ca Jesusan cacëxa: —Ca usa ꞌicën. Aín aintsicaman ca a curíqui ꞌinanima.

Marcos 9:38

Quia ca aín ꞌunánmicë uni, Juan, an Jesús cacëxa: —Nun cananuna uni achúshinëan, Jesús ca ënë uninuaxmi chiquíti cuëënia quixun caquinshi ñunshin ꞌatima uninua chiquinia isan. Isquin cananuna axa nubë nicëma ꞌicë, usoquin ꞌaxunma ꞌanun can.

Marcos 9:41

Asérabi cana ꞌën mitsu cain, uinu ꞌicë unin cara, Cristonan camina ꞌai quixun sinánquin ꞌumpax mitsu ꞌinania, an ca aín cupí biti ꞌicën.

Lucas 11:23

Ësaribi ca. Unían bërúanquin timëcëma ꞌaish ca aín ꞌaracacë ñuina tsuáquia. Usaribi oquin ca an ꞌëmia sinánun uni ꞌaquincëma uni an ꞌëmi sinánxma ꞌinun uni ꞌimia.

Lucas 16:13

Ënëx ca ësa ꞌicën: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën, ca achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

1 Corintios 12:3

Usa ꞌaínbi camina bërí Jesúsmi catamëcë ꞌixun ꞌunánti ꞌain: Nucën Papa Diosan Bëru Ñunshin Upitan sinánmicëx cuni ca uni “Jesús ca Nucën ꞌIbu ꞌicë” quia. ꞌImainun ca axa “Jesús ca ꞌaisama ꞌicë” quicë unicama ax Nucën Papa Diosan Bëru Ñunshin Upitan sinánmicëma ꞌicën.