Lucas 9:35 - Kashibo-Kakataibo Biblia

³⁵ Racuë́quin ca cuín mëucüaxa ësai banaia cuacëxa: —Ënëx ca ꞌën nuibacë bacë bëchicë ꞌicën. Aín bana ca cuacan.

Nukën 'Ibu Diosan ain unikama 'inan ain bana

³⁵ Racuë́quin ca cuín mëucüaxa ësai banaia cuacëxa: —Ënëx ca 'ën nuibacë bacë bëchicë 'icën. Aín bana ca cuacan.

Lucas 9:35 ပူးပေါင်းရင်းမြစ်များ

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Mateo 12:18

Ënëx ca ꞌëx cuëëncësabi oquin ꞌanun ꞌën caíscë ꞌianan ꞌën nuibairacë a ꞌicën. A isi cana cuëënin. ꞌËn cushi cana a ꞌinánti ꞌain. ꞌInáncëxun ca judíosma unicamaribi uisoquin carana ꞌën atúxa upí ꞌinun ꞌimiti ꞌai quixun ñuixunti ꞌicën. Ñuixuanan ca ꞌën cana camabi unían ñu ꞌaia isquin uisa carana oti ꞌai usoquin ꞌati ꞌai quixun ñuixunti ꞌicën.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:11

Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Lucas 3:22

Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Lucas 9:34

Usaía quicëbëtainshi ca cuinan acama mapuacëxa. Usocëx ca Pedro, Juan, Jacobo, acamax racuë́acëxa.

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Hebreos 3:15

Ësairibi ca Nucën Papa Diosan bana cuënëo quia: Bëría Nucën Papa Diosan mitsu cacëxun cuaquin camina cuacëmasa otima ꞌain. Mitsun raracama ꞌiásaribiti camina ꞌitima ꞌain. Atux ca Nucën Papa Diosan ꞌaquincëxbi an cacë bana cuaisama tani ꞌatimati banacëxa.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.