Lucas 9:16 - Kashibo-Kakataibo Biblia

¹⁶ Cacë́xa unicama bucubuan ca Jesusan mëcën achúshi páncëñun tsatsa rabë́ bixun manámi bësuquin isquin Nucën Papa Dios —asábi ca —catancëxun páncëñun tsatsa tucapaxun aín ꞌunánmicë unicama ꞌináncëxa, axa bucubucë unicama ꞌinánun quixun.

Nukën 'Ibu Diosan ain unikama 'inan ain bana

¹⁶ Cacë́xa unicama bucubuan ca Jesusan mëcën achúshi páncëñun tsatsa rabë́ bixun manámi bësuquin isquin Nucën Papa Dios —asábi ca —catancëxun páncëñun tsatsa tucapaxun aín 'unánmicë unicama 'ináncëxa, axa bucubucë unicama 'inánun quixun.

Lucas 9:16 ပူးပေါင်းရင်းမြစ်များ

Mateo 14:19

Cacëxuan bëcëbëtan ca Jesusan basinua bucubunun quixun unicama cacëxa. Cacë́xa bucubucëbëtan ca Jesusan mëcën achúshi páncëñun tsatsa rabë́ bixun manámi bësuquin isquin Nucën Papa Dios —asábi ca —catancëxun pán tucapaxun aín ꞌunánmicë unicama ꞌináncëxa. ꞌInáncëxun ca anu ꞌicë unicama pán mëtícaquin ꞌináncëxa.

Mateo 15:36

Usoxun ca páncamacëñun tsatsaribi bixun Nucën Papa Dios —asábi ca —catancëxun a piti ñu tucapaxun aín ꞌunánmicë unicama ꞌináncëxa. ꞌInáncëxun ca anu ꞌicë unicama pinun mëtícaquin ꞌináncëxa. Aín ꞌunánmicë unicaman a unicama ꞌináncëx cëñútisa ꞌaíshbi ca a piticamax cëñúama ꞌicën,

Marcos 7:34

Usoquin mëëi manámi bësuquin isi munuma uínquin ca cacëxa: —“Efata”. Efata quicë ax ca —ca asábi ꞌit —qui quicë ꞌicën.

Lucas 22:19

Catancëxun ca Jesusan pán biquin Nucën Papa Dios —asábi ca —catancëxun pán tucapaxun ꞌinánquin atu cacëxa: —Mitsúnmi piti pán ënëx ca ꞌë ꞌicën. Mitsun ꞌuchacama tërë́ncë ꞌaish Nucën Papa Diosnan ꞌinun ꞌë unin ꞌacë ꞌain, camina ꞌëmi sinánquin ꞌën mitsu bërí cacë ënë ënquinma usabi oquin ꞌati ꞌain.

Lucas 24:30

Atsíntancëx mesanu a uni rabë́bë tsóbuxun ca pán bixun —asábi ca —Nucën Papa Dios catancëxun, tucapaquin atu ꞌináncëxa.

Lucas 9:15

Cacëxun ca unicama tsóbunun cacëxa.

Lucas 9:17

Jesusan ꞌináncëxuan aín ꞌunánmicë unicaman mëtícacëxun ca unicama camaxunbi pucháquin piacëxa. Pucháquin piia sënë́an ca usai ꞌiisa ꞌaímabia tëxëcë páncëñun tsatsa aín ꞌunánmicë unicaman mëcën rabë́ ꞌimainun rabë́ caquí buácaquin biacëxa.

Juan 6:11

Tsóbuan ca Jesusan pán bixun, Nucën Papa Dios pain —asábi ca —catancëxun aín ꞌunánmicë unicama an unicama ꞌinánun quixun ꞌináncëxa. ꞌInáncëxun ca axa tsócë unicama pán mëtícaquin ꞌináncëxa. ꞌInánan ca tsatsaribi usai ꞌiisa ꞌaínmabia anu ꞌicë pucháquian pinun unicama ꞌináncëxa.

Juan 6:23

Usaquian sinánmainun ca Tiberias ëmanuax uni raíriribi manë nunti raírinën cuanx, anuxuan Jesusan Nucën Papa Dios —asabi ca —catancëxun pán uni pimioncë, a ꞌurama bëbacëxa.

Hechos 27:35

Usaquin caquin ca Pablonën pán bixun, acaman ismainunbi —asábi ca —Nucën Papa Dios catancëxun, tucapaxun piacëxa.

Romanos 14:6

Axa Jesucristomi catamëcë unin ca Jesucristoa cuëënun aín ꞌati ñucama ꞌaia. An —ënë nëtëa bëtsi nëtësama ꞌain cana anun Nucën Papa Dios rabiti ꞌai —quixun sináncë unin ca a nëtën ami upiti sinánquin a rabia. Bëtsi unin ca —anun Nucën Papa Dios rabiti ca camabi nëtë sënën ꞌicë quixun sinánquin usaquin rabia. An camabi piti ñu picë unin ca Nucën Papa Dios —asábi ca —caquin a rabiquin piia. Usaribi oquin ca an bëtsi bëtsi ñu picëma uni anribi bëtsi bëtsi ñuishi piquin Nucën Papa Dios —asábi ca —caquin rabiquin piia.

1 Corintios 10:30

¿Nucën Papa Dios —asábi ca —quixun caxun ꞌën piabi cara unin ꞌuchoquin, —Nucën Papa Diosmi ꞌuchaquin camina pia —quixun ꞌë cati ꞌic?

1 Corintios 11:24

Bitancëxun ca aín Papa —asábi ca —catancëxun tëcë́npaxun mëtícaquin cacëxa: “Ënë ca pit. Mitsúnmi piti pán ënëx ca ꞌë ꞌicën, axa minun rabanan bamati a. Ësoquin piquin camina ꞌë sinánquin ꞌati ꞌain”.

1 Samuel 9:13

Usa ꞌain kamina anu nukúkinshi mitsun uinu kara ax ꞌia bariti ꞌain, anuxua ñuina xarokin piti ꞌakë anu kuankëmashi. Unikaman ka axa kuankëmapan ꞌain masima pitima ꞌikën. An pain upíokin sinánxunia ka unikaman ñuina nami xarokë a piti ꞌikën, usoia ka axa kamikëx rikuatsinkë unikaman piti ꞌikën. Usa ꞌain kamina bënë́kiani kuanxun anua mërai kuanti ꞌain.