Lucas 8:8 - Kashibo-Kakataibo Biblia

⁸ Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca aín bimi ꞌitsaira, cien, ꞌiaxa. Usaquin catáncëxun ca Jesusan munuma banaquin cacëxa: —An aín pabitan ënë bana cuacë unin ca aín nuitunënbi sinánquin cuati ꞌicën.

Nukën 'Ibu Diosan ain unikama 'inan ain bana

⁸ Usa 'aínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca aín bimi 'itsaira, cien, 'iaxa. Usaquin catáncëxun ca Jesusan munuma banaquin cacëxa: —An aín pabitan ënë bana cuacë unin ca aín nuitunënbi sinánquin cuati 'icën.

Lucas 8:8 ပူးပေါင်းရင်းမြစ်များ

Génesis 26:12

Usa ꞌain ka a barin ñu ꞌapáxun Isaacnën ꞌaisamaira ꞌinuan aín bimi upíbu ꞌikë biakëxa, Nukën ꞌIbu upiokin sinánxunkëxun.

Proverbios 8:1

Ñu ꞌunankë ꞌiti axa munuma banai kikësai ꞌimainun ka; sinánñuira ꞌiti axribi ꞌain bana kuanun munuma banai kushin kikësa ꞌiti ꞌikën.

Mateo 11:15

An aín pabitan ënë bana cuacë unin ca aín nuitunënbi sinánquin cuati ꞌicën.

Mateo 13:23

Me upí anua ñu bëru nipacëcë usaribi ca raíri unicama ꞌicën. A unicamax ca Nucën Papa Diosan bana asérabi cuaquin a bana quicësabi oquin ꞌacë ꞌaish me upínu ꞌapácë ñu bëru, axa coi canitancëxun upí oquin tuacë, asaribi ꞌia. Raírinëx ca ꞌitsaira, cien, bimiñusa ꞌia, ꞌimainun ca raírinëxribi ꞌitsa, sesenta, bimiñusa ꞌia, ꞌimainun ca raírinëxribishi ꞌitsamashi, treinta, bimiñusa ꞌia.

Marcos 4:20

ꞌImainun ca bëtsi bëtsi unix me upínua ñu bëru nipacëcësa usaribi ꞌicën. A unicamax ca Nucën Papa Diosan bana cuaquin —a bana quicësabi oi cana ꞌiti ꞌai —quixun aín nuitunën upí oquin sinánquin a bana quicësabi oi ꞌicë ꞌaish, ñu bërúxa me upínuax upiti coi canitancëx upiti bimicësaribi ꞌicën. Raírinëx ca ꞌitsamashi, treinta, bimiñu ꞌia, ꞌimainun ca raírinëxribi ꞌitsa, sesenta, bimiñu ꞌia, ꞌimainun ca raírinëxribishi ꞌitsaira, cien, bimiñu ꞌia.

Marcos 4:23

An aín pabitan ënë bana cuacë unin ca aín nuitunënbi sinánquin cuati ꞌicën.

Marcos 4:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raíri aín bimi ꞌitsamashi, treintaishi ꞌiaxa, raírinëxribi ca aín bimi ꞌitsa, sesenta, ꞌiaxa, raírinëxribishi ca aín bimi ꞌitsaira, cien, ꞌiaxa.

Marcos 7:16

An aín pabitan ënë bana cuacë unin ca aín nuitunënbi sinánquin cuati ꞌicën.

Lucas 14:35

Mucotëcëncëma ꞌaish ca a tashix mucañuma ñancáishi ꞌicën. Ñu ꞌapácë tanáin tabucunuxun ñun puicëñun mëscuti ꞌaíshbi ca a tashix mucañuma ꞌaish a puicëñun mëscucëxbi ñancáishi ꞌicën. Usa ꞌicë ca unin putia. An aín pabitan ënë bana cuacë unin ca aín nuitunënbi sinánquin cuati ꞌicën.

Lucas 8:15

Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Lucas 8:7

Raírinëx ca muxañu menu nipacëaxa. Nipacëax coi ca ꞌiruaxa. ꞌIruxunbi ca muxan abë coquin mapurucëxun tuacëma ꞌicën.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Apocalipsis 13:9

Uicaman cara upí oquin ꞌunántisa tania an ca aín pabitan ënë bana cuaquin aín nuitunënbi sinánquin cuati ꞌicën, ësai quicë:

Apocalipsis 2:11

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, ax ca bama ꞌaíshbi baísquitancëx Nucën Papa Diosan nëtënu bamatëcëntimoi ꞌiti ꞌicën. A unicamax ca anu axa ꞌëmi catamëcëma unicama bamatëcëncësa ꞌiti anu ꞌitima ꞌicën.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 3:13

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.

Apocalipsis 3:6

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.