Lucas 8:40 - Kashibo-Kakataibo Biblia

⁴⁰ ꞌUcë manánuax Gadara menu ꞌicë unicama ëbëtsini ca Jesús anuaxa cuanpuncë nëcë manan utëcëancëxa. Utëcënia ca ꞌaisamaira uni parúnpapa cuëbí ricuatsinxun caíancëxa.

Nukën 'Ibu Diosan ain unikama 'inan ain bana

⁴⁰ 'Ucë manánuax Gadara menu 'icë unicama ëbëtsini ca Jesús anuaxa cuanpuncë nëcë manan utëcëancëxa. Utëcënia ca 'aisamaira uni parúnpapa cuëbí ricuatsinxun caíancëxa.

Lucas 8:40 ပူးပေါင်းရင်းမြစ်များ

Proverbios 8:34

Chuámarua ka uin kara ꞌën kakëxun ꞌën bana kuatia ax ꞌiti ꞌikën, ꞌianan ka kamabi nëtë́an an bërúankë unisa ꞌixun ꞌën xubu xëkuë kamanuxun, bana kuati ukë a ka Diosan ꞌakinti ꞌikën.

Mateo 9:1

A menuaxbi nuntin cuantëcëntancëx ca Jesús aín ëmanu bëbacëxa.

Marcos 12:37

Usai qui ca David ax —Cristo, ax ca ꞌën ꞌIbu ꞌicë —quiax quiacëxa. ¿Ësaia quiá ꞌain cara Cristo uisax Davitan rëbúnqui ꞌiti ꞌic? Usaía quia ca ꞌaisamaira ꞌixun unin cuëënquin cuacëxa.

Marcos 5:21

Usa ꞌain ca ꞌucë manánuax Jesús manë nuntin anuaxa cuanpuncë nëcë manan utëcëancëxa. Utëcëníbi ca ꞌaisamaira uni anu aia isi, Jesús parúnpapa cuëbíbi tiquiacëxa.

Marcos 6:20

Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.

Lucas 19:48

Usai ꞌësë́nanquinbi ca ꞌapuma unicama aín bana cuati ami sináncë ꞌain uisoxun ꞌati cara quiax sináncasmacëxa.

Lucas 19:6

Usaquian cacëxëshi chuámarua tani bënëtishi ꞌibúquin ca Zaqueonën aín xubunu buánuxun Jesús biacëxa.

Lucas 5:1

Parúnpapa Genesaret cuëbía Jesús ꞌain ca Nucën Papa Diosan bana ñuixunia cuaisa tani ꞌaisamaira uni chëcaisaira oquin tsitsiruacëxa.

Lucas 8:39

Caquin ca ësaquin cacëxa: —Min xubunu ca cuantan. Cuantancëxun camina min aintsi ꞌibucama uisoxun cara Nucën Papa Diosan mi pëxcüaxa quixun ñuixunti ꞌain. Usaquian cacëx cuanxun ca aín aintsi ꞌibuishima a ëma chanu ꞌicë unicama, uisoquin cara Jesusan a ꞌaxa quixun ñuixuancëxa.

Juan 5:35

Unían upí oquin isnuan bëánquibucë ꞌaínbi lamparínën pëcacësaribi oquin ca Juanën ꞌë ñuiquin uni bana ñuixuanxa. Usaquian ñuixuncëbë camina mitsux bënëtishi aín bana cuati cuëëan.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.