Lucas 6:48 - Kashibo-Kakataibo Biblia

⁴⁸ Ax ca unían xubu ꞌati, anu itá nitsínti nëmíonquin me naëcë usaribi ꞌicën. ꞌUí ꞌibúcëbëa baca ꞌitsaira ꞌëia ami aín bai tucanquicëbëbi ca a xubu upí oquin ꞌacë ꞌaish shaíquima.

Nukën 'Ibu Diosan ain unikama 'inan ain bana

⁴⁸ Ax ca unían xubu 'ati, anu itá nitsínti nëmíonquin me naëcë usaribi 'icën. 'Uí 'ibúcëbëa baca 'itsaira 'ëia ami aín bai tucanquicëbëbi ca a xubu upí oquin 'acë 'aish shaíquima.

Lucas 6:48 ပူးပေါင်းရင်းမြစ်များ

2 Samuel 22:2

Ësai kiakëxa: Diosan ka ꞌë bërúankin ꞌakianxa, ax ka ami ꞌëx katamëkë a ꞌikën, usa ꞌixun ka ax ꞌëmi nishkë unikaman ꞌaisa taniabi ꞌë ꞌakianxa,

2 Samuel 22:32

¿Uix kara Diosaribi ꞌiti ꞌik? ¿Anu kara Diosaribi bëtsi dios an nu ꞌakinti ꞌik?

2 Samuel 22:47

Dios ax ka chuámarua bërámabi ꞌiá ꞌaish, usabi ꞌikën usa ꞌixun ka an ꞌë ꞌakinia, ꞌën Dios ax ka an ꞌë bërúanan asérabi ꞌakinkë a ꞌikën.

2 Samuel 22:5

Axa ꞌëmi nishkë unikaman ꞌanuxun bëarabuinkëxun kana uníxa parúmpapa bëchunkin aín bëchunan bikëxun unin kana bamai kixun sinánkësaribi okin sinani atumi rakuëakën; rakuë́kin kana baka kushin ka ꞌë bërí bakamioia kixun unin sinánkësaribi okin sinánkën.

2 Samuel 23:3

Israel kaman Dios ax ka ësai kiaxa: An Israel kama ꞌakinkë Dios an ka ꞌë ësokin kakëxa: An unikama aín ꞌapu ꞌixun ꞌakinti ax ka uisa ñu ꞌatimabi ꞌakëma ꞌiti ꞌikën, usa ꞌixun ka Diosan kuëënkësabi okin unikama ꞌakinti ꞌikën,

Salmos 32:6

Usa ꞌain ka, anúan tëmërati ꞌikëbëtan an nuibakë unikaman mi ñukáti ꞌikën, tëmërakë an ka baka chaiira kushi ꞌëi mapurutankëxa, uinu kara sënënia anu sënë́nkësokinribi tëmëramiti ꞌikën, usa ꞌaínbi ka anbi atu uisabi otima ꞌikën.

Salmos 95:1

Dios rabi ami kantai kuëënun ka ukan; an ka nu bërúanan ëñëmia ami kananuna kantati ꞌain.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Lucas 6:47

An ꞌëmi sinánquin ꞌën bana cuanan a bana quicësabi oquin ꞌacë uni ax cara uisa ꞌicë quixun cana mitsu cati ꞌain.

Lucas 6:49

Usa ꞌaínbi ca an ꞌën bana aín pabitan cuaxunbi a bana quicësabi oquin ꞌacëma uni ax ca an masinu xubu ꞌacë unisaribi ꞌicën. ꞌUí ꞌibúcëbë, baca ꞌitsaira ꞌëi, ami aín bai tucanquicëbë ca a xubu puxucuti ꞌicën. Usai ꞌi ca aín itácamaribi tsasíbuti ꞌicën.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Efesios 2:20

Mitsux camina an aín bana uni ñuixunun Jesusan caíscë unicama ꞌimainun an Nucën Papa Dios quicë bana uni ñuixuncë unicaman ñuiasabi oi, Jesucristomi catamëti ami cushicë ꞌain. Usa ꞌaish camina unin maxax xubu oquin ami cushiti pain nantancëxun raíriribi bucúnrucësaribi ꞌain, Cristo a pain nancë maxáxsa ꞌain.

Deuteronomio 32:15

ꞌAínbi ka Jacobnën rëbúnki, an pitishi sinánkëkama, ꞌaisamaira pi xuati ñuina rërakati aín rani nibánibákikë usai ꞌikinbi, ñuinanëa aín ꞌibu aín taën ꞌakësokin, an unio ꞌixunbi Diosan kakëxun kuaisama tankëxa; usai ꞌikin ka an kakëxunbi kuaisamatankin Dios ënkankëxa.

Deuteronomio 32:18

Israel unibu mitsun kamina min papasa ꞌixuan mi ꞌakinkëxunbi manuakën; Dios an mitsu anumi tsóti ꞌinánkë a kamina manukankën.

Deuteronomio 32:31

Axa numi nishkë unikamanbi ka upíokin ꞌunánxa, Nukën ꞌIbu Dios ax ka atun dios sama ꞌaish kushiira kushi ꞌikë kixun.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

2 Pedro 1:10

ꞌËn xucë́antu, usa ꞌain Nucën Papa Diosan ainan ꞌiti caíscë ꞌaish camina an cacësabi oi ꞌinux bërúanracati ꞌain. Usa ꞌiquin camina Nucën Papa Diosmi sinánti ënquin ñu ꞌatima ꞌatima ꞌain.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.