Lucas 6:46 - Kashibo-Kakataibo Biblia

⁴⁶ ¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Nukën 'Ibu Diosan ain unikama 'inan ain bana

⁴⁶ ¿Uisacasquin caramina —mix camina 'ën 'Ibu 'ai —quixun 'ë caquinbi 'ën mitsu cacësabi oquin ñu 'aiman?

Lucas 6:46 ပူးပေါင်းရင်းမြစ်များ

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Mateo 25:11

Usaía ꞌicëbë uquin ca sinánñuma xanucaman ëmánxun —nu ca xëócaxun —quixun caxa.

Mateo 25:24

Usaquian cacëbë uquin ca an achúshi mil curíqui bicë unin caxa: Mixmi unimi nishcësa ꞌicë cana mi ꞌunan. Uni itsin ñu ꞌapámitancëxun camina a bimi mináinshi ꞌinun min unicama bimin.

Mateo 25:44

Cacëxun ca atun ꞌë cati ꞌicën: ¿Uisa nëtën caranuna mixmi ꞌacëñuma ꞌianan shimacë ꞌianan amanu nitsi cuancë anu mi ꞌiti ꞌaíma ꞌain mi ꞌaquianma ꞌain? ¿Uisa nëtën caranuna mixmi chupañuma ꞌicë mi chupqa ꞌinanima ꞌianan mixmi ꞌinsíncë ꞌianan sipuacë ꞌain mi isi cuanma ꞌain?

Gálatas 6:7

Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.