Lucas 6:35 - Kashibo-Kakataibo Biblia

³⁵ Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Nukën 'Ibu Diosan ain unikama 'inan ain bana

³⁵ Usa 'aínbi camina mitsun axa mitsumi nishcë uni nuibaquin 'aquinsa 'icë 'aquinti 'ain. Unían mitsu ñu ñucácëxun camina —anribi ca 'ë 'inántima 'icë —quixun 'unánquinbi, 'inánti 'ain. Usaquin 'aia isquin ca Nucën Papa Dios, manámi 'icë, an cuëënun mitsu 'imiti 'icën. Mitsun usaquin 'ai camina asérabi aín bëchicë 'aish an sináncësaribi oquin sináncë 'iti 'ain. An ca uni 'aisama 'imainun an —asábi ca —quixun a cacëma uni aribi ñu 'inánan 'aquinia.

Lucas 6:35 ပူးပေါင်းရင်းမြစ်များ

Salmos 145:9

Nukën ꞌIbu Dios ax ka kamabi unibë upí ꞌikën, usa ꞌixun ka an unio ñukama upíokin nuibakin bërúaia.

Salmos 37:26

Usa ꞌixun ka kamabi nëtën nuibakin bëtsi aín ñu na ꞌinántëkënun ꞌinania; usakin ꞌakëbë ka aín bakë bëchikëkama ax upíokin sinánxunkë ꞌia.

Mateo 5:9

An raíri uni bëtsibë nishananíma nuibananun ꞌaquincë uni a ca Nucën Papa Diosan —mix camina ꞌën bëchicë ꞌai —quixun cati ꞌicën. Usa unix ca chuámarua tani cuëënia.

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Lucas 1:32

Ax ca uni itsisama ꞌiti ꞌicën. A ñui ca —Nucën Papa Dios manámi ꞌicë aín Bëchicë ca ax ꞌicë —quiax uni quiti ꞌicën. Nucën Papa Diosan ꞌimicëx ca aín rara David ꞌiásaribiti ax ꞌapu ꞌiti ꞌicën.

Lucas 6:36

Nucën Papa Diosan unicama ꞌaquinsa tanquin nuibacësaribi oquin camina mitsúnribi unicama mitsua nuibacëxunmabi nuibati ꞌain.

Juan 13:35

Micamaxmi bëtsibë nuibanania isquin ca camabi unin, ënë unicamax ca asérabi Jesusan ꞌunánmicë ꞌicë quixun ꞌunánti ꞌicën.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Hechos 14:17

Usaquin ënquinbi ca, ax ca asérabi Dios ꞌicë quixun ꞌunánun, an ꞌacësabi oquin upí oquinshi camabi menu ꞌicë unicama ꞌaquinquin, ꞌuí ꞌibúmiquin ñu ꞌapácëcamaribi canimiquin bimimia. Usoquin an ꞌimicë cupí cananuna ñu pi nux chuámarua bucuin.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

2 Timoteo 3:2

Usaía ꞌicëbë ca ësa uniribi ꞌiti ꞌicën: an ainanshia ꞌinun ñu cuëëncë, curíquishi biti cuëëncë, axa rabiacati —ꞌëx cana uni itsisama ꞌai —quicë, Nucën Papa Diosmi ꞌatimati banacë, an aín tita aín papan banabi cuacëma, axa ñu ꞌináncëxbi —asábi ca —canancëma, axa Nucën Papa Diosmi sinántisama tancë.