Lucas 6:12 - Kashibo-Kakataibo Biblia

¹² Usa ꞌain ca aín Papabë banai Jesús matánu cuancëxa. Cuantancëx ca imë́ ꞌuxti tëai abë banacëxa.

Nukën 'Ibu Diosan ain unikama 'inan ain bana

¹² Usa 'ain ca aín Papabë banai Jesús matánu cuancëxa. Cuantancëx ca imë́ 'uxti tëai abë banacëxa.

Lucas 6:12 ပူးပေါင်းရင်းမြစ်များ

Salmos 22:2

ꞌËn ꞌIbu Dios nëtë ꞌimainun ꞌimë́bi kana ꞌëmi ꞌakinun kixun mi kain, ꞌaínbi kamina ꞌën kakëxunbi kuatima; ¡ꞌëx anun tantiti nëtë ka ꞌaíma ꞌikën!

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Mateo 5:1

ꞌAisamaira uni isbiani cuantancëxa Jesús matá me mapëracëtancëx anu tsóbutia ca aín ꞌunánmicë unicaman nëbë́tsioracëxa.

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Marcos 1:35

Usoquin ꞌoonx ca pëcaracëma ꞌaínshi niruquiani anua uni ꞌicëmanu cuanx Jesús Nucën Papa Diosbë banacëxa.

Marcos 3:13

Usaquin cabiani matánu cuanxuan, anuxun ainan ꞌinun uni caísquin, achúshi achúshi cuëncëx ca abë ꞌinux Jesúsnu cuancancëxa.

Marcos 6:46

Xutancëxun anu ꞌicë unicama cabiani ca Jesús matánu Nucën Papa Diosbë banai cuancëxa.

Lucas 5:16

Usaía ucëbëbi ca Jesús anu uni ꞌicëma menu aín Papa Diosbë banai cuancëxa.

Lucas 6:11

Usaquian ꞌaia isi xuamati nishi ca uisa caranuna Jesús oti ꞌai quiax ꞌësë́nani canancëxa.

Lucas 6:17

ꞌUnánminuxun a unicama caístancëx ca matánuax taramëcëbutancëx me sapánu ꞌiacëxa. Anu ca ꞌaisamaira uni Jerusalén, ꞌimainun Judea mecamanuaxribia ucë ꞌiacëxa. ꞌImainun ca Tiro, Sidón a ëma rabë́ ꞌurama ꞌicë me parúnpapa rapasu, anu ꞌicë menuaxribia ucë ꞌiacëxa.

Lucas 9:18

Nëtë itsían Jesús aín Papa Diosbë banamainun ca aín ꞌunánmicë unicamaxëshi abë ꞌiacëxa. Anu ꞌicë ca Jesusan aín ꞌunánmicë unicama ñucáquin cacëxa: —¿Ui caraisana ꞌëx ꞌai quiax cara unicama quin?

Lucas 9:28

Usaquin aín ꞌunánmicë unicama catancëx ca mëcën achúshi ꞌimainun rabë́ ꞌimainun achúshi nëtësa ꞌicëbë aín ꞌunánmicë uni raíri ëbiani Pedrocëñun Juan, Jacobo, acamaíshi buani Jesús matánu Nucën Papa Diosbë banai cuancëxa.

Lucas 9:29

Anu cuantancëx bëbatancëx aín Papa Diosbë banai ca aín bëmánan bëtsiacëxa. Bëtsicëbë ca aín chuparibi uxuira ꞌaish ichu ichuquicë ꞌiacëxa. Usaía ꞌia ca Pedro, Juan, Jacobo, acaman isacëxa.

Juan 6:3

Usa ꞌain ca anuax matánu mapëracëtancëx aín ꞌunánmicë unicamabë Jesús tsóbuacëxa.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

1 Samuel 15:11

—ꞌËnbi upí ꞌiisa sinánkin Saúl ꞌapu ꞌinun ꞌimikëxunbi ka, ꞌën ꞌanun kakësokin ꞌakinma an kuëënkësokin ꞌaxa. Ësokin kakëx ka Samuel masá nuituti ꞌitsaira nishakëxa, usai ꞌiax ka a imë́ Nukën ꞌIbubë bananëakëxa.