Lucas 5:38 - Kashibo-Kakataibo Biblia

³⁸ Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Nukën 'Ibu Diosan ain unikama 'inan ain bana

³⁸ Usa 'ain ca ñu chëcacë ñuina xacá chumusa oquin 'acë iónushi 'aruti 'icën.

Lucas 5:38 ပူးပေါင်းရင်းမြစ်များ

Ezequiel 36:26

usakin ꞌakin kana ꞌën mitsux ꞌatimati tsókë a mëníokanun ꞌimianan upíokin sinanimi tsónun ꞌimiti ꞌain. ꞌImikin kana mitsun nuitu iruarakë a ëmikin mitsun nuitu ñu bachusa ꞌaimi ꞌën kakëxun ꞌën bana kuanun ꞌimiti ꞌain.

Mateo 9:17

Ësaribi ca: Ui unínbi ca ñuina xacá anu ꞌumpax ꞌaruti chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia. Usa ꞌain ca ñu chëcacë, ñuina xacá chumusa oquin ácë iónushi ꞌaruti ꞌicën, asábi ꞌinun.

Lucas 5:37

Ësaribi ca. Ui unínbi ca ñuina xacá anu ꞌunpax chumusa oquin ꞌacë, axa xëni ꞌain, anu ñu chëcacë ꞌaruima. Anu ꞌarucëxunbi ca ñu chëcacë ax cubini uruquin ñuina xacá xëni a tucaia. Axa tuquicëbë ca chëcaxun anu ꞌarucëxa cubíncë ñu ax tutuqui nëtëtia.

Lucas 5:39

Bëráma chëcacë ñu ꞌaxun —ax ca upí ꞌicë —quixun sinánquin ca unin bëría chëcacë ñu ꞌaisama tania. Usaquin ca Jesusan cacëxa.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Apocalipsis 21:5

A bana ꞌën cuacëbë ca Nucën Papa Dios, axa anu ꞌApuira ꞌaish tsócë, ax ësai quiaxa: —Camina ꞌunánti ꞌain, cana camabi ñu ió ꞌinun ꞌatëcënin. Quianan ca ësairibi quiaxa: —ꞌËx quicësabi oi ca asérabi ꞌiti ꞌicën. Usa ꞌain camina ꞌëx quicë banacama ënë cuënëoti ꞌain.