Lucas 5:33 - Kashibo-Kakataibo Biblia

³³ Usai quia ca fariseo unicama ꞌimainun axa abë ꞌicë unicaman Jesús ñucáquin cacëxa: —Juanëan ꞌunánmicë unicaman ca bëtsi bëtsi nëtën Nucën Papa Diosbë banaquin pima samatia. Usaribiti ca fariseonëan ꞌunánmicë unicamaxribi ꞌia. ¿Usa ꞌaínbi cara uisacasquin min ꞌunánmicë unicaman pianan xëain?

Nukën 'Ibu Diosan ain unikama 'inan ain bana

³³ Usai quia ca fariseo unicama 'imainun axa abë 'icë unicaman Jesús ñucáquin cacëxa: —Juanëan 'unánmicë unicaman ca bëtsi bëtsi nëtën Nucën Papa Diosbë banaquin pima samatia. Usaribiti ca fariseonëan 'unánmicë unicamaxribi 'ia. ¿Usa 'aínbi cara uisacasquin min 'unánmicë unicaman pianan xëain?

Lucas 5:33 ပူးပေါင်းရင်းမြစ်များ

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Marcos 12:40

Usai ꞌianan ca casunamëcë xanun ñu bicuanquin cëñuia. Cëñuanan ca ax isa upí ꞌicë quixuan unin sinánun quiax, ꞌuran pain Nucën Papa Diosbë banaia. Usa unicama ca Nucën Papa Diosan, axa usai ꞌicëma uni ꞌacësamaira oquin ꞌuchoti ꞌicën.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Lucas 18:12

ꞌËx cana camabi semana rabë́ nëtën pima samatin. ꞌËn ñu mëëquin bicë curíquia mëcën rabë́ ꞌicëbi cana acama mësú, décima parte, a anuxun Nucën Papa Dios rabiti xubunu buánquin, sacerdote ꞌinanin.

Lucas 2:37

Mëcën achúshi ꞌimainun rabë́ baritia ꞌicëbë casunamëa ꞌaish ca ochenta y cuatro baritiañu ꞌiacëxa. Usa ꞌixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama ꞌicën. Nëtë́nbi imë́bi ca usaquin Nucën Papa Dios rabiacëxa.

Lucas 20:47

Usai ꞌianan ca casunamëcë xanun ñu bicuanquin cëñuia. Cëñuanan ca ax isa upí ꞌicë quixuan unin sinánun quiax, ꞌuran pain Nucën Papa Diosbë banaia. Usa unicama ca Nucën Papa Diosan, axa usai ꞌicëma uni ꞌacësamaira oquin ꞌuchoquin castícanti ꞌicën.

Lucas 5:32

Usaribiti cana an —ꞌëx cana upí ꞌai —quixun sináncë unicama a ꞌënan ꞌinun cai uáma ꞌain. Ama, an —ꞌën ñu ꞌatima ꞌacë cupí, ꞌën nuitu upíma ꞌaish cana ꞌëxbi upí ꞌitima ꞌai —quixun sináncë unicama a cuni, upí ꞌinúxa sinanati ꞌënan ꞌinun cai cana ꞌëx uacën.

Lucas 5:34

Cacëxun ca Jesusan cacëxa: —¿An biti xanua unin biti nëtën caramina pi unun camicëxa ucë axa abë nuibanancë unicama masá nuituquian pima ꞌinun ꞌimiti ꞌain? Camina ꞌimitima ꞌain.

Juan 1:35

Usaquian coon ca Juanbë aín ꞌunánmicë uni rabë́ ꞌiacëxa.

Juan 3:25

Usa ꞌain ca judío uni achúshinëx Juanëan ꞌunánmicë unicamabë, aín raraxa quiásabi oquin Nucën Papa Diosa cuëënun ñu ꞌati ñui cuëbicanancëxa.

Hechos 9:11

Cacëxun ca Nucën ꞌIbu Jesusan cacëxa: —Niruquiani camina bai, Tëntúñuma caquin anëcë, anu cuanti ꞌain. Cuanxun camina Judasnën xubunu cuanquin anu ꞌicë uni ñucáti ꞌain, Tarsonu ꞌicë uni Saulo cacë ax cara ënu ꞌicë quixun. Anuax ca Saulo Nucën Papa Diosbë banaia.