Lucas 5:17 - Kashibo-Kakataibo Biblia

¹⁷ Nëtë itsían xubunuxun Jesusan bana ñuixuncëbë ca fariseo unicama ꞌimainun an Moisésnën cuënëo bana uni ꞌunánmicë unicamaribi anu tsócë ꞌiacëxa. Acamax ca Galilea menu ꞌicë ëmacama ꞌimainun Judea menu ꞌicë ëmacama ꞌimainun Jerusalénuaxribi ricuatsincë ꞌiacëxa. Usa ꞌain ca bana ñuixuanan ꞌinsíncë unicama pëxcunun Nucën Papa Diosan cushiocë Jesús ꞌiacëxa.

Nukën 'Ibu Diosan ain unikama 'inan ain bana

¹⁷ Nëtë itsían xubunuxun Jesusan bana ñuixuncëbë ca fariseo unicama 'imainun an Moisésnën cuënëo bana uni 'unánmicë unicamaribi anu tsócë 'iacëxa. Acamax ca Galilea menu 'icë ëmacama 'imainun Judea menu 'icë ëmacama 'imainun Jerusalénuaxribi ricuatsincë 'iacëxa. Usa 'ain ca bana ñuixuanan 'insíncë unicama pëxcunun Nucën Papa Diosan cushiocë Jesús 'iacëxa.

Lucas 5:17 ပူးပေါင်းရင်းမြစ်များ

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 15:1

Fariseo unicamabëtan ca an Moisésnën bana ꞌunáncë unicamanribi Jerusalén ëmanuax ricuatsini uxun Jesús cacëxa:

Marcos 1:45

Jesusan —ꞌën mi pëxcucë ënë ñuiquin uni caxunma ca ꞌatan —cacëx cuanquinbia aín nami pëxcúcë ñuiquin chaniocëbë ca Jesús, anu uni riquianti rabanan, uinu ꞌicë ëmanubi cuánma ꞌicën. Cuaníma anu uni ꞌicëma menu cuni ꞌicëbëbi ca camabi menuax cuanx uinu cara cuania anubi timë́cancëxa.

Marcos 16:18

Usai ꞌianan aín mëcënan bicëxunbi ca runun ꞌatima ꞌicën. ꞌImainun ca muca ñua xëacëxunbi uisabi otima ꞌicën. ꞌImainun ca aín mëcënan ramëcëx uni ñucë pëxcúti ꞌicën.

Marcos 3:22

Usa ꞌain ca Jerusalénuax ucë an Moisésnën cuënëo bana ꞌunáncë unicama quiacëxa: —Ënë unibë ca ñunshin ꞌatimanën ꞌapu, Beelzebú ꞌicën. Usa ꞌixun ca Beelzebúnën ꞌamicëxun ñunshin ꞌatima uninua chiquinia.

Marcos 5:30

Usai ꞌicëbë ca Jesús —ꞌën cushin ca uni pëxcúaxa —quixun aín sinanënbi ꞌunani, ꞌitsa uni nëbë́tsinuxun caxu bësuquin isi quiacëxa: —¿Uin cara ꞌën chupa ticax?

Marcos 7:1

An Moisésnën cuënëo bana ꞌunáncë unicamax Jerusalénuaxa ucë, abë ca fariseo unicamax Jesúsnu ai timë́acëxa.

Lucas 15:2

Usoquian aín bana camaxunbi cuaisa tania isi ca fariseo unicama ꞌimainun an Moisésnën cuënëo bana ꞌunáncë unicamax nishi canancëxa, ënë unin ca ꞌuchañu unicamabë timë́xun abëtan piia.

Lucas 2:46

Usa ꞌain ca rabë́ ꞌimainun achúshi nëtë ꞌicëbëtan anuxun Nucën Papa Dios rabiti xubunu tsóxuan, an Moisésnën cuënëo bana uni ꞌunáncë unicaman bana ñuixuncëxun cuaquin anribi atu bana ñucatia mëracëxa.

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Lucas 5:30

Usaria isquin ca fariseo unicama ꞌimainun an Moisésnën cuënëo bana ꞌunáncë unicaman atu ꞌatimaquin ñuiquin Jesusan ꞌunánmicë unicama cacëxa: —¿Uisa cupí caramina mitsun an ꞌapu buánmiti curíqui bicë unicamabëtan pianan ꞌuchañu unicama raíribëtan pianan xëain?

Lucas 6:19

Jesusan aín cushínbi ꞌitsa uni pëxcucë cupí ca anu ꞌicë ꞌinsíncëcaman —ꞌën ticacëxuinshi ca ꞌëribi pëxcuti ꞌicë —quixun sinani a ticanux tsitsíruacëxa. Usaía ꞌia ca Jesusan ꞌinsíncë unicama pëxcüacëxa.

Lucas 7:30

Acamaxa usai quicëbëbi ca fariseo unicama ꞌimainun an Moisésnën cuënëo bana ꞌunáncë unicaman, Juanën bana cuaisama tani an nashimicë ꞌiti cuëëncëma ꞌixun, Nucën Papa Dios cuëëncësa oi ꞌiisama tanquin Jesusan banaribi cuaisama tancëxa.

Lucas 8:46

Usaquian cacëxun ca Jesusan cacëxa: —ꞌËn cushin ca uni pëxcúaxa quixun cana ꞌën sinanënshi ꞌunanin. Usa ꞌain cana ꞌunanin, achúshi unin ca ꞌë ticaxa quixun.

Juan 3:10

Cacëxun ca Jesusan Nicodemo cacëxa: —¿Mix an Israel unicama ꞌunánmicë ꞌixunbi caramina ꞌën mi cacëxun uisai qui quicë cara quixun cuatiman?

Juan 3:21

Usa ꞌaínbi ca an Nucën Papa Dios cuëëncësabi oquin ꞌacë uni, an ꞌaia isquian —an ca Nucën Papa Diosan ꞌaquincëxun ñu ꞌaia —quixun unin ꞌunánun xabánuxun ñu ꞌaia.

Hechos 19:11

Cuacëbëtan ca Pablonën anuxun Nucën Papa Diosan ꞌamicëxun uni itsin ꞌacëma ñu ꞌacëxa.

Hechos 4:30

ꞌAquianan camina min Bëchicë upíira sinánñu, Jesús, aín cushin, uni ꞌinsíncë pëxcüanan uni itsin ꞌacëma ñu ꞌanun nu ꞌamiti ꞌain.

Hechos 5:34

Usa ꞌaínbi ca ꞌapucama achúshi, fariseo uni, Gamaliel caquin anëcë, anu ꞌiacëxa. Gamaliel ax ca an usai judíos unicama ꞌiti Moisésnën cuënëo bana ꞌunáncë ꞌicëa camabi unin aín bana tancë ꞌiacëxa. Usa ꞌixun ca niruquin atu cacëxa: —Ënë unicama ca ëman pain chiquin.