Lucas 3:8 - Kashibo-Kakataibo Biblia

⁸ Unían mitsu asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain. —Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Nukën 'Ibu Diosan ain unikama 'inan ain bana

⁸ Unían mitsu asérabi sinanacë 'ai quixun 'unánun camina ñu 'aisama 'ati ënquin upí ñuishi 'ati 'ain. —Nux Abrahamnën rëbúnqui 'aish cananuna Nucën Papa Diosan iscëx upí 'ai —quixun sinánxunma ca 'acan. Asérabi cana mitsu cain, 'aisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui 'imiti 'icën.

Lucas 3:8 ပူးပေါင်းရင်းမြစ်များ

Ezequiel 33:24

“Axa ami nishkë unikaman rurupakin ꞌatimokë Israel ëmakamanu tsókë unikama ax ka ësai ki nitsia: ꞌAbraham ax ka achúshi unishi ꞌiakëxa, usa ꞌixunbi ka an ënë me ꞌibuakëxa; usa ꞌaínbi kananuna nuxira ꞌitsa ꞌixun ënë me ꞌibuati ꞌain kiax ka atux kikania.

Mateo 21:43

Cana mitsu cain, mitsúxmi judíos unibu ꞌaish Nucën Papa Diosan ainan ꞌiti caísa ꞌaíshbi usai ꞌicëbëma ca bëtsi unibunëx aín bana cuacë ꞌaish ainan ꞌiti ꞌicën.

Mateo 3:8

Unían mitsux camina asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain.

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Lucas 13:25

Ësa ca: Xubu ꞌibun ca niruquin xubu xëcuë xëputi ꞌicën. Xëpucë camina mitsun ëman nixun xëcuë taxcaquin —nu ca xëócaxun —quixun cati ꞌain. Cacëxunbi ca mitsu cati ꞌicën: Uinuax ucë caramina mitsux ꞌai quixun cana ꞌunaniman.

Lucas 13:26

Cacëxun camina mitsun cati ꞌain: Nun cananuna mibëtan pianan xëan, min camina nun ëmanuxun nu bana ñuixuan.

Lucas 14:9

Ucëbëtan ca an mi camicë unin minu uquin mi cati ꞌicën: Ënë uníxa ënu tsómainun camina mix ꞌuri unu tsóti ꞌain. Cacëx camina rabini, anua uni cushimacama tsóti, anu tsoti cuanti ꞌain.

Lucas 19:40

Cacëxun ca Jesusan cacëxa: —ꞌËn cana mitsu cain, ënë unicaman ꞌë rabicëbëtanma ca ënë maxáxcama ënën cuëncëni sharáquin ꞌë rabiti ꞌicën.

Lucas 19:9

Cacëxun ca Jesusan cacëxa: —Bërí ca ënë xubunu ꞌicë unicama ꞌëmi catamëcë ꞌaish Nucën Papa Diosnan ꞌinux ië́ti ꞌicën, ënë uníxribia Abrahamnën rëbúnqui ꞌain.

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Juan 8:33

Cacëxunbi ca cacëxa: —Nux cananuna Abrahamnën rëbúnqui ꞌain, uinu ꞌicë unínbi ca nucën raracama ꞌimainun nucën chaitiocëcamaribi uisa ñubia ꞌanun ꞌamiama ꞌicën, nuribi ca usoquin ꞌamicëma ꞌicën. ¿Usa ꞌain caina uisa ꞌaish mix, uínbi ca uisa ñubi nu ꞌamitima ꞌicë quiax quin?

Juan 8:39

Cacëxun ca atun cacëxa: —Abrahamnëxëshi ca nucën rara ꞌicën. Usoquian cacëxunbi ca Jesusan cacëxa: —Mitsux asérabi Abrahamnën rëbúnqui ꞌixun camina Abrahamnëan ꞌásabi oquin ꞌatsían.

Hechos 26:20

ꞌAquin, Jesús ñuiquin, Damasconu ꞌicë unicama ñuixuntancëxun cana Jerusalénu ꞌicë unicama ñuixuanan Judea menu ꞌicë ëmacamanuxunribi bana ñuixuan. Ñuixuanan cana judíosma unicamaribi ñuixunquin ësaquin can: ꞌAtimaquin sináncë ꞌaíshbi sinanati camina Nucën Papa Diosnan ꞌiti ꞌain. Usai ami sinánquin camina ñu ꞌaisama ꞌaquinma ax cuëëncësabi oquinshi ꞌati ꞌain, mix camina ainan ꞌai quixuan camabi unin ꞌunánun.

Romanos 4:16

Usa ꞌain ca Nucën Papa Diosan Abraham ꞌimainun aín rëbúnquicamaxa atun ñu ꞌacë cupíma ami catamëtíshi asérabi ainan ꞌiti mëníocëxa. Judíos unibu, an atun cuati bana quicësabi oquin ꞌacë, a unicamaishima, uicamax cara Abraham ꞌicësaribiti Nucën Papa Diosmi catamëtia, a camabi ca Nucën Papa Diosan ainan ꞌinun ꞌimia. Usa uni ꞌaish cananuna nucamaxribi Abrahamnën rëbúnquisa ꞌain.

Romanos 9:7

Nucën Papa Diosan ca Abraham cacëxa: “Min bëchicë Isaac aín rëbúnquishi ca asérabi min rëbúnqui ꞌaish ꞌën unibu ꞌiti ꞌicë” quixun. —Min bëchicë itsi aín rëbúnquicamax ca ꞌën unibu ꞌiti ꞌicë —quixun ca Nucën Papa Diosan Abraham cáma ꞌicën. “Isaacnën rëbúnquinëxëshi ca ꞌënan ꞌiti ꞌicë” quixun ca cacëxa.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.