Lucas 3:22 - Kashibo-Kakataibo Biblia

²² Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Nukën 'Ibu Diosan ain unikama 'inan ain bana

²² Usacëbë ca Nucën Papa Diosan Bëru Ñunshin Upí numacuru iscësa 'aish uax anu 'iruacëxa. Usaía 'icëbëtan ca Jesusan naínuaxa banaia cuacëxa, ësai qui: —Mix camina 'ëx amiira sináncë bacë bëchicë 'ain. Mimi sinani cana chuámarua tani cuëënin.

Lucas 3:22 ပူးပေါင်းရင်းမြစ်များ

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Mateo 12:18

Ënëx ca ꞌëx cuëëncësabi oquin ꞌanun ꞌën caíscë ꞌianan ꞌën nuibairacë a ꞌicën. A isi cana cuëënin. ꞌËn cushi cana a ꞌinánti ꞌain. ꞌInáncëxun ca judíosma unicamaribi uisoquin carana ꞌën atúxa upí ꞌinun ꞌimiti ꞌai quixun ñuixunti ꞌicën. Ñuixuanan ca ꞌën cana camabi unían ñu ꞌaia isquin uisa carana oti ꞌai usoquin ꞌati ꞌai quixun ñuixunti ꞌicën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 27:43

Ax isa aín Bëchicë ꞌaish Nucën Papa Diosmi catamëtia ca quiaxa. Ax asérabi anun cuëëncë ꞌixun ca Nucën Papa Diosan bërí ië́mitsianxa, usa ꞌaínbi ca ië́mima.

Mateo 3:13

Usa ꞌain ca Galilea me anuax cuanx Jesús Judea nëtënu ꞌicë baca, Jordán cacë, anua Juan ꞌain, anu cuancëxa, anuxuan Juanën nashiminun.

Mateo 3:16

Usoquin Juanën nashimicëx ca Jesús bacanuax ꞌiruquiani cuancëxa. Cuanquinbi ca Jesusan naí panárabëcëbëtan isquin anuax numacuru tinax uáxa Nucën Papa Diosan Bëru Ñunshin Upí anu ꞌiruia isacëxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:11

Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Marcos 1:9

Juanëan unicama nashimianan bana ñuixunmainun ca Jesús Galilea menu ꞌicë ëma, Nazaret, anuax Judea menu cuanx anua Juan ꞌicë anu bëbacëxa. Bëbacë ca Juanën Jordán bacanuxun Jesús nashimiacëxa.

Marcos 9:7

Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca ꞌëx amiira sináncë, ꞌën bacë bëchicë ꞌicën. Aín bana ca cuacan.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Lucas 4:21

Usoquin iscëxun ca Jesusan cacëxa: —Bërí ca anun ënë bana quicësabi oi ꞌiti nëtë uaxa.

Juan 1:32

Usaquin catancëxun ca, ësai ca ꞌiaxa quixun Juanën unicama ñuixuancëxa: —ꞌËn a ꞌunáncëma ꞌicëbi ca Nucën Papa Diosan ꞌën ꞌunpaxan uni nashiminun xuquin ꞌë caxa: “Uni achúshinua ꞌën Bëru Ñunshin Upí ubútancëx ꞌiruia camina isnuxun ꞌain. Ainra ca uni ꞌën Bëru Ñunshin Upíbëa ꞌinun ꞌimiti ꞌicën”. Usaquin ca ꞌë caxa. An ꞌë cacësabi oquin cana Nucën Papa Diosan Bëru Ñunshin Upía ñumacuru tinax naínuax ubútancëx a uninu ꞌiruia isan.

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Juan 5:37

Mitsun aín bana cuacëma ꞌixunmi uisa cara ax ꞌicë quixun iscëma ꞌaínbi ca Nucën Papa Dios, an ꞌë xuá, aín banax ꞌë ñui asérabi quia.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.