Lucas 3:11 - Kashibo-Kakataibo Biblia

¹¹ Cacëxun ca Juanën cacëxa: —Uix cara cutun rabë́ñu ꞌicë an ca cutúnñuma uni aín cutun achúshi ꞌinánti ꞌicën. Uix cara pitiñu ꞌicë an ca pitiñuma uni paná ꞌinánti ꞌicën.

Nukën 'Ibu Diosan ain unikama 'inan ain bana

¹¹ Cacëxun ca Juanën cacëxa: —Uix cara cutun rabë́ñu 'icë an ca cutúnñuma uni aín cutun achúshi 'inánti 'icën. Uix cara pitiñu 'icë an ca pitiñuma uni paná 'inánti 'icën.

Lucas 3:11 ပူးပေါင်းရင်းမြစ်များ

Ezequiel 18:7

ꞌianan ka uibi an ꞌinantëkënuxun aín ñu ñukáxun bikë aribi usaribi okin upioxun ꞌinántëkënia; ꞌanan ka uinu ꞌikë unin ñubi mëkamakin bitsima; ꞌianan ka pitiñuma ꞌaish panankë uni a aín piti ꞌinánan chupañuma uni aribi aín chupa ꞌinania;

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Lucas 11:41

Xanpa, ñutë chucati acama sinánquinbi camina unicama nuibaquin axa ꞌaquinsa ꞌicë ꞌaquinti ꞌain. ꞌAquinquin ca ñu ꞌinán. Usaquin ꞌaia isquin ca Nucën Papa Diosan mitsu upí isti ꞌicën.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 19:8

Usa ꞌain ca manámi chairuquin Zaqueonën Jesús cacëxa: —ꞌËn cana mi cain, bërí cana ꞌën curíquicama mësú usaribi ꞌënan ꞌinun bianan usaribi ñuñuma unicama ꞌinani cuanin. ꞌInánan cana ꞌën aín curíqui mëcama uni, ꞌën ainan mëcama inumiquin rabë́ ꞌimainun rabë́ oquin ꞌinánti ꞌain.

Juan 13:29

Judas ax ca anu curíqui puruti ñusuti a niquincë uni ꞌiacëxa. Usa ꞌain ca raírinën, Jesusan sapi isa Pascua nëtën piti ñu marutanun canan, ñuñuma uni ñu ꞌinántanun caxa quixun sináncëxa.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Hechos 10:4

Cuëncëxun ami bësuquin isíbi racuëtan bamaquin ca cacëxa: —¿Añu cat? Cacëxun ca ángelnën cacëxa: —Abë banaquinmi ñuñuma uni ñu ꞌináncëcama ca Nucën Papa Diosan asábi isaxa.

Efesios 4:28

An ñu mëcamacë uni an ca usaquin ꞌatëcëntima ꞌicën. Usaquin ꞌatëcënquinma ca chiquíshquinma aín mëcënanbi upí oquin ñu mëëti ꞌicën, cupí bixun anun ñuñuma uniribi ꞌaquinti sinánquin.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

1 Timoteo 6:18

Canan camina ësaquinribi atu cati ꞌain, ënquinma upí ñuishi ꞌanan ca uix cara ñuñuma ꞌaish ꞌaquinsa ꞌicë aribi ñonquinma ꞌaquínti ꞌicë quixun.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

Santiago 2:14

ꞌËn xucë́antu, an “ꞌëx cana ami catamëti Jesucristonan ꞌain” quiquinbi, Jesusan bana quicësabi oquin upí ñuishi ꞌacëma uni ax ca aín bana ñancáishi ꞌicën. ¿Usa unix cara Jesucristonan ꞌaish ië́ti ꞌic? Ca ꞌitima ꞌicën.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.