Lucas 24:49 - Kashibo-Kakataibo Biblia

⁴⁹ Axa uti ñuiquian ꞌën Papa Diosan ꞌë cacë, a cana mitsunu unun xuti ꞌain. Usa ꞌain camina Nucën Papa Diosan aín cushi mitsu ꞌinánun Jerusalénu bërúxun caínti ꞌain.

Nukën 'Ibu Diosan ain unikama 'inan ain bana

⁴⁹ Axa uti ñuiquian 'ën Papa Diosan 'ë cacë, a cana mitsunu unun xuti 'ain. Usa 'ain camina Nucën Papa Diosan aín cushi mitsu 'inánun Jerusalénu bërúxun caínti 'ain.

Lucas 24:49 ပူးပေါင်းရင်းမြစ်များ

Isaías 32:15

ꞌAínbi ka Nukën ꞌIbu kamabi kushiñu an ñu unio an amiribishi nukama ꞌakintëkënti ꞌikën, usakin ꞌakin ka me ënkëxa anu ñu ꞌapátisama ꞌikëbi anu ñu ꞌapátisa ꞌimitëkënti ꞌikën, usakin ꞌakëx ka a me anu unin ñu ꞌapátisabi upíira ꞌiti ꞌikën.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

Juan 15:26

Unicamax ꞌëmi nishcë ꞌaínbi ca aín Bëru Ñunshin Upí, an Nucën Papa Diosan sináncë ñucama ꞌunánan uni ꞌaquincë, an uisa carana ꞌëx ꞌai quixun mitsu ꞌunánmiti ꞌicën. Ax ca an Nucën Papa Diosan sináncë ñucama ꞌunáncë, a ꞌicën. A cana Nucën Papa Dios cuëëncësabi oquin mitsubëa ꞌinun xuti ꞌain.

Hechos 1:4

Naínu cuainsama pain ꞌixun ca Jesusan aín ꞌunánmicë unicama, an uni bana ñuixunun xutia caíscë, a cacëxa: —Jerusalénuax cuanxunma pan ca anuxunbi ꞌën Papa Diosan cacësabi oquin ꞌën mitsu ñuixuncë a pain caín.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 16:7

Cuanx anu bëbaquin Misia cacë me inubiani, Bitinia cacë menuribishi cuainsa taniabi ca Nucën ꞌIbu Jesusan Bëru Ñunshin Upitan anu cuanxma ꞌinun sinánmiacëxa.