Lucas 23:33 - Kashibo-Kakataibo Biblia

³³ Usoxun ca suntárunën a buani cuanx, Mapuxo cacë me, anu bëbaquin anuaxa bamanun Jesús matástancëxun i curúsocë nitsíancëxa. Nitsíanan ca an ꞌatima ñu ꞌacë uni rabë́ribi i curúsocënu matástancëxun, bëtsia Jesusan mëqueu ꞌimainun bëtsi Jesusan mëmiu ꞌinun nitsíancëxa.

Nukën 'Ibu Diosan ain unikama 'inan ain bana

³³ Usoxun ca suntárunën a buani cuanx, Mapuxo cacë me, anu bëbaquin anuaxa bamanun Jesús matástancëxun i curúsocë nitsíancëxa. Nitsíanan ca an 'atima ñu 'acë uni rabë́ribi i curúsocënu matástancëxun, bëtsia Jesusan mëqueu 'imainun bëtsi Jesusan mëmiu 'inun nitsíancëxa.

Lucas 23:33 ပူးပေါင်းရင်းမြစ်များ

Salmos 22:16

Kamun ꞌitsan, ꞌakësaira okin ka uni ꞌatimakaman ꞌë bëara buianxa; usakin ꞌakin ka ꞌën mëkënu ꞌanan ꞌën taënu ꞌinúanën uni raëxpakësa okin ꞌë ꞌaxa.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Lucas 24:7

Ësaquin ca mitsu caëxanxa: Uni ꞌinux Nucën Papa Diosnuax uá ꞌicë, ca ꞌë ꞌatima unin, uni itsían ꞌë ꞌaminun ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Matáscëx asérabi bamatancëx cana rabë́ ꞌimainun achúshi nëtë ꞌiónxa pëcaratëcëncëbë baísquiti ꞌai quixun.

Juan 18:32

—Usai cana i curúsocënu unin matáscëx bamanuxun ꞌai —quiáxa Jesús quiásabi oi bamanun ca judíos unicaman usoquin Pilato cacëxa.

Juan 3:14

Moisésnëan anu uni ꞌicëma menuxun manë ꞌacë runu, camabi unin isnun, i nitsínxun anu nansaribi oquin ca uni ꞌinux Nucën Papa Diosnuax uá ꞌicë, ꞌë unin ꞌati ꞌicën,

Hechos 13:29

Usai ca ax ꞌiti ꞌicë quiáxa a ñui cuënëo bana quiásabi oquin ca bamamiacëxa. Usa ꞌain ca i curúsocënua bamacë bitancëxun mapara naëcënu nanxun mëníocëxa.

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 5:30

Aín Bëchicë, mitsun i curúsocënu uni matásmicë, a ca Nucën Papa Dios, a nun rabicësaribi oquin nucën raracaman rabia, an baísquimiaxa.

Gálatas 3:13

A bana, usai ca judíos unicama ꞌiti ꞌicë quixun Moisésnën cuënëo, a banacamaxa quicësabi oquiinra ꞌacëma ꞌicë, nu uisa cara oti ꞌicë usoquin ꞌati ꞌixunbi ca Nucën Papa Diosan nu ꞌaquinma, Cristo, nun ꞌucha cupí tëmëramia cupí, nu ami catamëtia uisotima ꞌicën. Camabi unin ꞌucha cupí ca ꞌuchañuira uni ꞌicësari Cristo i curúsocënu bamacëxa, Nucën Papa Diosan bana cuënëo ësai quicësabi oi: “Ui unix cara i curúsocënu matáscë ꞌicë ax ca asérabi ꞌuchañuira ꞌaish Nucën Papa Diosan uisaira cara oti ꞌicë usoquin ꞌacë ꞌiti ꞌicën”.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.