Lucas 21:36 - Kashibo-Kakataibo Biblia

³⁶ Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Nukën 'Ibu Diosan ain unikama 'inan ain bana

³⁶ Usa 'ain camina 'ëx uti nëtë caini, 'ën mitsu cacë ñucama ënë́xa 'icëbëbi 'ëmi catamëti ëníma 'ëmi cushicë 'inuxun, nëtë camabi Nucën Papa Dios ñucáti 'ain. Usai 'i, 'ëx utëcëncëbë 'ën bëmánanuax añu 'uchañumabi 'inuxun camina Nucën Papa Dios ñucáti 'ain.

Lucas 21:36 ပူးပေါင်းရင်းမြစ်များ

Salmos 1:5

Usa ꞌain ka an ñu ꞌatima ꞌakë unikama atux Diosan ꞌatima okë ꞌaish. Anúan an ñu upíokin ꞌakë unikama ꞌikë anu ꞌitima ꞌikën.

Malaquías 3:2

ꞌAínbi kara, ¿uin anúan ꞌuti nëtë a sënë́nkëbë ax ukëbëtan tënëti ꞌik? ¿Usa ꞌain kara uix ñu ꞌatima ꞌai ꞌuchakëma ꞌaish a bëtánain anubi niti ꞌik? Ax ka tsi ërë́tia iskësa ꞌaish nukama upí ꞌinun mëníonux ꞌuti ꞌikën; ꞌianan ka jabonan chukakëxun chupa chua tërëkakësa usaribi okin nun ꞌucha tërë́kati ꞌikën.

Mateo 24:42

Uisa nëtën carana min ꞌIbu ꞌaish ꞌëx utëcënti ꞌai quixun ꞌunánquinmabi camina upí oquin sinánquin —ꞌën ꞌibu ca uti ꞌicë —quixun ꞌunani cuëënquin caínti ꞌain.

Mateo 24:43

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

Mateo 24:44

Usaribi oquin camina mitsúnribi ꞌë binuxun ꞌëx uti caínti ꞌain. Bërí ca utima ꞌicë quixunmi mitsun sináncëbëbi cana uti ꞌain. Usa ꞌain camina camabi nëtën, aia binuxun ꞌë caínti ꞌain.

Mateo 25:13

Usaquin catancëxun ca Jesusan cacëxa: —Mitsúnribi camina añu nëtë́inra ꞌianan uínsaran carana ꞌëx utëcënti ꞌai quixun ꞌunánquinmabi —ca uti ꞌicë —quixun sinani cuëënquin ꞌëx uti caínti ꞌain.

Mateo 26:41

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Marcos 13:33

Mitsun uínsaran carana uti ꞌai quixun ꞌunáncëma ꞌaish camina camabi nëtën ꞌën uni ꞌaish ꞌëmi sinánquin ꞌëx uti caínti ꞌain.

Marcos 13:37

Ësaquin ꞌën mitsu cacësaribi oquin cana axa ꞌëmi catamëcë unicamaribi cain, camina ꞌëmi sinánquin ꞌëx uti caínti ꞌai quixun.

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Lucas 20:35

Usa ꞌaínbi ca bama ꞌaish baísquitancëxun Nucën Papa Diosan nëtënu ꞌicë unicaman xanu bitima ꞌicën, aín ini bëchicëbi ca bënumitima ꞌicën.

Lucas 21:35

Sinaniamabi rican mapuquin unin tsatsa bicësa usaribiti ca unin sináncëbëmabi anun ꞌëx uti nëtë uti ꞌicën.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

1 Corintios 16:13

Mina ꞌatima ñu ꞌai quiax bërúancaquin camina uisa ñu cara ꞌicëbëbi manutima Jesucristomi catamëti ꞌain. Ami catamëti camina unimi racuëtima an cushiocë ꞌiti ꞌain. Upí sinánñu unían sináncësa oquin camina sinánti ꞌain.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.

1 Tesalonicenses 5:17

Usai ꞌi camina camabi nëtën Nucën Papa Diosbë banacanti ꞌain.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 11:4

An ꞌë ñuiquin unicama cati rabë́ uni axa rabë́ olivos cacë iisa ꞌimainun rabë́ anu lamparín nanti ñusa ꞌicë ax ca anua Nucën ꞌIbu Dios, axa camabi menu ꞌicë unicaman ꞌibu ꞌicë, a bëmánon nitsíncë, a ꞌicën.

Apocalipsis 7:9

Usaquin cuatancëxun cana unin tupúntisama, ꞌaisamaira uni isan. Acamax ca camabi menuax ucë ꞌaish bëtsi bëtsi unibu ꞌiaxa. Usa ꞌaish ca bëtsi bëtsi banan bananan anua Nucën Papa Dios, ax ꞌApuira ꞌicë, a ꞌimainun Carnero ꞌicësaribitia unin ꞌucha cupí bama, aín bëmánon sëtë́cë ꞌiaxa. A camáxbi ca aín chupa uxua ꞌianan xëbin pëchisa ñu pëchi tuíncë ꞌiaxa.

Apocalipsis 8:2

Usaía ꞌicëbëtan cana mëcën achúshi ꞌimainun rabë́ ángel Nucën Papa Dios bëmánon nicë isan. Iscëxun ca Nucën Papa Diosan ꞌináncëxun, a ángelcama achúshi achúshinën manë banañu biaxa.