Lucas 20:24 - Kashibo-Kakataibo Biblia

²⁴ Uisa cara isnun ca ꞌapu buánmiti manë curíqui achúshi ꞌë bëxun. Cacëxuan bëia isquin ca Jesusan atu cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic? Cacëxun ca atun cacëxa: —Ax ca Romanu ꞌicë ꞌapu, Césarnën bëmánan tanquin ꞌacë ꞌimainun Césarnën anë ꞌicën.

Nukën 'Ibu Diosan ain unikama 'inan ain bana

²⁴ Uisa cara isnun ca 'apu buánmiti manë curíqui achúshi 'ë bëxun. Cacëxuan bëia isquin ca Jesusan atu cacëxa: —¿Uin bëmánan tanquin 'acë cara ënëx 'ic? ¿Uin anë cara cuënëocë ënëx 'ic? Cacëxun ca atun cacëxa: —Ax ca Romanu 'icë 'apu, Césarnën bëmánan tanquin 'acë 'imainun Césarnën anë 'icën.

Lucas 20:24 ပူးပေါင်းရင်းမြစ်များ

Mateo 18:28

Cacëx cuanquinbi ca an abëtan a uni ñu mëëxuncë uni mëraxa. Mëraquin ca —ënën ca ꞌë ribinia —quixun sinánquin ꞌitsamashi curíquia ribíncëxunbi aín tëxatan biquin tëtsë́caquin caxa: Minmi ꞌë ribíncë ca ꞌë cupíot.

Mateo 20:2

Bariquin mëraxun ca uiti cara nëtë camabi cupíoti ꞌicë quixun atubëtan mëníotancëxun aín naënuxuan ñu mëënun xuaxa.

Mateo 22:20

Bëia isquin ca Jesusan cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic?

Marcos 12:16

Cacëxuan bëia isquin ca Jesusan cacëxa: —¿Uin bëmañan tanquin ꞌacë cara ënëx ꞌic? ¿Uin anë cara cuënëocë ënëx ꞌic? Cacëxun ca atun cacëxa: —Ax ca Romanu ꞌicë ꞌapu, Césarnën bëmánan tanquin ꞌacë ꞌimainun Césarnën anë ꞌicën.

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.

Lucas 20:22

Usa ꞌixun camina nu cati ꞌain, ¿Nucën Papa Diosax asérabi nun cushi ꞌain cara Romanu ꞌicë ꞌapu, César, a curíqui buánmiti asábi ꞌic? ¿Cara asábima ꞌic?

Lucas 20:23

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin ca Jesusan atu cacëxa: —¿Uisa cupí caramina usoquin ꞌë cain?

Lucas 20:25

Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Lucas 3:1

Tiberio anun Romanuxun ꞌapu ꞌimicancë nëtëa quince baritia ꞌicëbë ca Poncio Pilato Judea menu ꞌicë unicaman ꞌapu ꞌiacëxa. Usai ꞌimainun ca Herodes Galilea menu ꞌicë ꞌapu ꞌiacëxa. ꞌImainun ca Herodesnën xucën, Filipo, ax Iturea me ꞌimainun Traconíte menu ꞌicë ꞌapu ꞌiacëxa. ꞌImainun ca Lisanias cacë uni, ax Abilinia cacë menu ꞌicë ꞌapu ꞌiacëxa.

Hechos 11:28

Acama achúshinëx ca Agabo caquin anëcë ꞌiacëxa. An ca Nucën Papa Diosan Bëru Ñumshin Upitan ꞌunánmicë ꞌaish niruquin anu ꞌicë unicama cacëxa, camabi menu ꞌicë unix ca pitiñuma ꞌiti ꞌicë quixun. Axa usai quicësabi oi ca Claudio cacë uníxa ꞌapu ꞌain ꞌiacëxa.

Hechos 26:32

Usai quiquin ca Agripanën Festo cacëxa: —Chiquíntisa ꞌaíshbi ca ënë unix Romanu ꞌicë ꞌapu, Césarnëinsa ënë ñu mëníoxunun anu cuancatsi quiaxa.

Filipenses 4:22

Axa Jesucristomi catamëcë ënu ꞌicë unicamabëtan ca atúxribi Jesucristonan ꞌixun Romanu ꞌicë ꞌapu Césarnën xubunu ꞌicëcamanribi bërúanxmi ꞌicanun mitsu canun ꞌë caxa.