Lucas 2:25 - Kashibo-Kakataibo Biblia

²⁵ Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Nukën 'Ibu Diosan ain unikama 'inan ain bana

²⁵ Jerusalénu 'icë uni achúshi ax ca Simeón caquin anëcë 'iacëxa. A unix ca upí nuituñu 'ixun a rabianan Nucën 'Ibu Dios quicësabi oquin 'acë 'iacëxa. Usa 'ixun ca an Israel unibu chuámashirua 'imiti, axa uti caíancëxa. Usa 'ain ca abë Nucën Papa Diosan Bëru Ñunshin Upí 'iacëxa.

Lucas 2:25 ပူးပေါင်းရင်းမြစ်များ

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 1:8

Kakëxun ka Diosan kakëxa: —¿Uisa uni kara ꞌën uni Job ꞌikë kixun kaina ꞌunan? Asaribi uni ka ënë menu ꞌaíma ꞌikën, an ka ꞌën kuëënkësabi okin ꞌakin ñu upíshi ꞌai tsókin ñu ꞌatima ꞌati sinanan, uibi ꞌatimoti sinanima upí ñuishi ꞌai tsotia.

Isaías 40:1

Mitsun Dios ax ka ësai kiaxa: “ꞌËn unikama kamina kuëëntanun nuibakin ꞌakinti ꞌain;

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Números 11:25

Usai kuin nëbë́tsin ubuax ka Nukën ꞌIbu Moisésbë banakëxa; banatankëxun ka Moisés ꞌinánkë aín kushi chukúmashi bitankëxun setenta unikama aturibi aín kushi chukumashiñu ꞌinun ꞌimiakëxa. Usakian ain kushi ꞌinánkëxun an Dios kikë bana uni ñuixunkë kamasa ꞌixun bana ñuixuankëxa; ꞌaínbi ka amiribishi usai ꞌitëkëanma ꞌikën.

Números 11:29

Kiabi ka Moisésnën kakëxa: —¿ꞌËn usakin ñu ꞌati kuëënima kaina usai kin? ¡ꞌËn kana kuëënin Nukën ꞌIbun ain bëru ñunshin ꞌinánkëx ka kamabi unix an aín bana ñuikë unikamasaribi ꞌiti ꞌikën!

Marcos 15:43

Ñantabucëbë ca uacëxa Arimatea ëmanu ꞌicë uni, José. Ax ca judíos cushicaman ꞌapucama cushi achúshi ꞌianan —upí uni ca —quixuan camabi unin ꞌunáncë ꞌiacëxa. Usa ꞌaish ca anúan Nucën Papa Dios camabi unin ꞌapu ꞌiti nëtëa an caíncë ꞌiacëxa. Usa ꞌaish racuëtimaishi anua ꞌicënu atsínquin ca Pilato —Jesús ca bamaxa, cana buántisa tanin —quixun cacëxa.

Lucas 1:41

Usaquin Marianën cacëxuan Elisabetnën cuacëbëshi ca aín pucunuax aín tuá ubíacëxa. Usai ꞌicëbëtan ca Nucën Papa Diosan Bëru Ñunshin Upitan upí oquin Elisabet sinánmiacëxa.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 1:67

Usai quimainun ca a tuacën papa, Zacarías, ax aín Bëru Ñunshin Upíñu ꞌaish, Nucën Papa Diosan sinánmicëx cuëëni quiacëxa:

Lucas 2:38

Josébë María a bëi atsíncëbë axribishi anuxun Nucën Papa Dios rabiti xubunu atsínquin ca Anan Jesús isacëxa. Isi cuëënquin ca —asábi ca —caquin Nucën Papa Dios rabiacëxa. Rabiquin ca anu ꞌicë uni an anun Jerusalénu ꞌicëcama ꞌimainun camabi judíos uni chuámarua ꞌinux ië́ti nëtë caíncë unicama, a Jesús ñuiquin —an nu ië́miti a ca ënëx ꞌicë —quixun cacëxa.

Lucas 23:51

Usa ꞌaíshbi ca José an anun Nucën Papa Dios camabi unin ꞌapu ꞌiti nëtë uti caíncë uni ꞌiacëxa. Usa ꞌixun ca raíri ꞌapucaman ꞌacësaribi oquin sinánquinma, atúxa Jesús ꞌacatsi quiax ꞌësë́nani —ꞌati ca —quiax quicëbëtanbi, an cáma ꞌicën.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 2:5

Usa ꞌain ca axa Nucën Papa Dios cuëëncësabi oi ꞌiisa tancë judíos unicama, ax bëtsi bëtsi menuax Judea menu uax Jerusalénu tsoócëxa.

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.