Lucas 19:38 - Kashibo-Kakataibo Biblia

³⁸ Rabi ca quiacëxa: —Nucën ꞌIbu Diosan xucëxa ucë, ënë ꞌApux ca bërí aia. A ca camabi unin rabiti ꞌicën. Naínu ꞌicë Nucën Papa Diosaxribi ca cuëënia. Aribi ca camabi unin rabiti ꞌicën.

Nukën 'Ibu Diosan ain unikama 'inan ain bana

³⁸ Rabi ca quiacëxa: —Nucën 'Ibu Diosan xucëxa ucë, ënë 'Apux ca bërí aia. A ca camabi unin rabiti 'icën. Naínu 'icë Nucën Papa Diosaxribi ca cuëënia. Aribi ca camabi unin rabiti 'icën.

Lucas 19:38 ပူးပေါင်းရင်းမြစ်များ

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 2:2

Cuani bëbaquin ca ñucácëxa: —¿Uinu cara axa judíos unibunën ꞌapu ꞌinun bërí bacë́ncë a ꞌic? Aucüaxa bari urucë anuxun cananuna anun a ꞌunánti ꞌispa isbëtsian. A isbëtsini cananuna ꞌunánbëtsini a rabi ain.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Lucas 13:35

Usa ꞌain camina ꞌunánti ꞌain, ꞌën cana ꞌaquinquinma usabimi ꞌinun mitsu ënti ꞌain. ꞌËn cana mitsu cain, mitsun camina utëcënia isquin —Nucën ꞌIbu Diosan xucëxa ucë bërí aia, a ca camabi unin rabiti ꞌicë —quiax quiquin ꞌë rabiti ꞌain. A nëtë utámainun camina ꞌë istëcëntima ꞌain.

Romanos 5:1

Usai nux Nucën ꞌIbu Jesucristomi catamëcë ꞌicë, a cupí ca Nucën Papa Diosan nu upí isia. Usaquian iscëx cananuna abë upí ꞌain, Jesucristo cupí.

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 3:10

Axa ami catamëcë unicamaxa an ꞌimicëx upí isquian naínu ꞌicë ángelcama, aín cushicamanribi uisaira cushiñu ꞌianan uisaira sinánñu cara ax ꞌicë upí oquin ꞌunánun ca Nucën Papa Diosan aín unicama usai ꞌinun mëníocëxa.

Efesios 3:21

Usa ꞌicë ca Cristo Jesús cupí aín unicaman xënibua ꞌaínbi a rabiti ꞌicën. Usaquin ca ꞌati ꞌicën.

Colosenses 1:20

Aín nuitu ꞌaisama ꞌaísha uni abë upꞌi ꞌitima ꞌaínbi ca Nucën Papa Dios cuëëncësabi oquin Cristonën i curúsocënu bamaquin ënë menu ꞌicë ñucama ꞌimainun naínu ꞌicë ñucamaribi an iscë́xa upí ꞌinun mëníocëxa.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.