Lucas 18:39 - Kashibo-Kakataibo Biblia

³⁹ Usaía quia oquin ca ax paían rëcuë́nquiani cuancë unicaman banaxma isa nëtë́nun quixun cacëxa. Cacëxbi ca nëtëtima axa ꞌicësamaira oi munuma cuëníshtëcëni quiacëxa: —Davitan rëbúnqui, nuibaquin ca ꞌë ꞌaquin.

Nukën 'Ibu Diosan ain unikama 'inan ain bana

³⁹ Usaía quia oquin ca ax paían rëcuë́nquiani cuancë unicaman banaxma isa nëtë́nun quixun cacëxa. Cacëxbi ca nëtëtima axa 'icësamaira oi munuma cuëníshtëcëni quiacëxa: —Davitan rëbúnqui, nuibaquin ca 'ë 'aquin.

Lucas 18:39 ပူးပေါင်းရင်းမြစ်များ

Mateo 7:7

Camina ꞌunánti ꞌain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ësa ca: Bari bariquin ca unin ñu mëraia. ꞌImainun ca unin bëtsi unían xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Mateo 9:27

Usobiani anuax cuaniabi ca uni bëxuñu rabëtan Jesús caticabianquin munuma cuëncë́onquin cacëxa: —Davitan rëbúnqui, nu nuibaquin ca nu pëxcut.

Lucas 11:52

Ësaquinribi ca Jesusan atu cacëxa: —Mitsun Moisésnën cuënëo bana ꞌunáncë ꞌixun unicama ꞌësëti ꞌixunbi camina uisai quicë cara a bana ꞌicë quixun ꞌunánmiman, ꞌunánmiquinma camina bëtsi oquin ꞌunánmin. Usa ꞌain camina mitsúnbi, a bana upí oquin cuaisama tancë ꞌixun, an a bana uisai quicë cara quixun ꞌunántisa tancë unicamanribia cuaxunma ꞌanun ꞌimin. Mitsúxmi usa ꞌicë isquin ca uisa cara oti ꞌicë usoquin Nucën Papa Diosan mitsu ꞌati ꞌicën.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Lucas 18:15

Usa ꞌain ca ainsa sinánxunquin ramënun quixun tuáratsucama Jesúsnu bëcancëxa. Bëia isquin ca Jesusan ꞌunánmicë unicaman an bëcëcama ñu caquin, —tuá xuracama ënu bëxunma ca buántan —quixun cacëxa.

Lucas 18:38

Usai quia cuati cuëníshquin ca cacëxa: —Jesús, Davitan rëbúnqui, nuibaquin ca ꞌë ꞌaquin.

Lucas 18:40

Usaía quia cuati niracëquin ca Jesusan —ꞌënua unun ca bët —quixun anu ꞌicë unicama cacëxa. Cacëx aia ca Jesusan ñucáquin cacëxa:

Lucas 19:39

Usai quiquian axa ami sináncë unicaman Jesús rabia cuaquin ca fariseo unicama raírinën Jesús cacëxa: —Axa mimi sináncë unicama sharáxma ꞌinun camina cati ꞌain.

Lucas 8:49

Usaquian Jesusan cacëbëtanbi ca aín xubunuax uquin unin anua judíos unicama timë́ti xubunu ꞌicë ꞌapu, Jairo, a cacëxa: —Min bëchicë ca ñuaxa. Ca ꞌaíma ꞌicën. Usa ꞌain ca Jesús ñancábi buánxunma ꞌat.

2 Corintios 12:8

Rabë́ ꞌimainun achúshi oquin cana Nucën ꞌIbu Jesucristo ꞌën ñucë ënëa ꞌë tërë́caxunun quixun ñucan.