Lucas 17:31 - Kashibo-Kakataibo Biblia

³¹ A nëtë ꞌicëbë ca axa aín xubu ëman tsócë unicamax aín ñucama aín xubunu ꞌaínbi a bitsi cuantëcëntima ꞌicën. Aín naënuxuan ñu mëëcë unicamaxribi ca aín xubunu cuantëcëntima ꞌicën.

Nukën 'Ibu Diosan ain unikama 'inan ain bana

³¹ A nëtë 'icëbë ca axa aín xubu ëman tsócë unicamax aín ñucama aín xubunu 'aínbi a bitsi cuantëcëntima 'icën. Aín naënuxuan ñu mëëcë unicamaxribi ca aín xubunu cuantëcëntima 'icën.

Lucas 17:31 ပူးပေါင်းရင်းမြစ်များ

Job 2:4

Kixun kakëxunbi ka ñunshin ꞌatimanën Dios kakëxa: —Uínbia aín naminu ꞌatimokin paëokëma ꞌaish ka uni asábi nitsia. ꞌAínbi ka unix upí tsótisa tani uisa ñu kara inutia abi inutibi tënëax ꞌiti ꞌikën.

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Mateo 6:25

Usa ꞌain cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain. Mitsun pitisamaira camina mitsux ꞌain, mitsun chupasamaira camina mitsux ꞌain, ¿usa cat? An mitsúxmi ënë nëtënu tsoti oquin unio Nucën Papa Dios, ainshi ca a mi piti ñu mitsu ꞌinánan a mi pañuti chuparibi mitsu ꞌinánti ꞌicën.

Lucas 21:21

A ëmanu ꞌicë unicamaxa ami ꞌuchacë cupí ca castícancë ꞌiti ꞌicë quixun ca Nucën Papa Diosan aín uni cuënëomiacëxa. Usai ca bërí ꞌiti ꞌicë quixun camina a suntárucama isquin ꞌunánti ꞌain. Usai ꞌicëbë ca unicamax racuëti Judea menu ꞌicë ëmacamanuax abáquiani matánu cuanti ꞌicën. ꞌImainun ca axa Jerusalénu ꞌicë unicamaxribi anuax cuanti ꞌicën. Axa Jerusalénuax ꞌura nitsi cuancë unicamax ca racuëti Jerusalénu cuantëcëntima ꞌicën.