Lucas 17:24 - Kashibo-Kakataibo Biblia

²⁴ Mëríquin ca canacan camabi naicamëꞌëo pëcaia. Usaribi ca uni ꞌinux Nucën Papa Diosnuax uá ꞌaish, ꞌëx utëcënti ꞌiti ꞌicën.

Nukën 'Ibu Diosan ain unikama 'inan ain bana

²⁴ Mëríquin ca canacan camabi naicamë'ëo pëcaia. Usaribi ca uni 'inux Nucën Papa Diosnuax uá 'aish, 'ëx utëcënti 'iti 'icën.

Lucas 17:24 ပူးပေါင်းရင်းမြစ်များ

Ezequiel 1:14

A ñukama uni iskësa ax ka kuantankëx bënëtishi utëkëni kaná mëriti ꞌikësai ꞌiakëxa.

Zacarías 9:14

Usakin ꞌakëbëtan ka Diosan aín unikama aín kushi chaiira cha anun ꞌakinti ꞌikën; ꞌakinkin ka kaná mëríkë axa pia nikëx kuankë usa ꞌitánun ꞌimiti ꞌikën. ꞌImi ka Dios aín manë banañu banobiani suñúan mëu aín rëbumi kikiani kuanti ꞌikën.

Mateo 24:27

Mëríquin ca canacan anúan bari urucë ꞌimainun anúan bari cuabúcë, camabi naicamëꞌëo pëcaia. Usaribi ca uni ꞌinux Nucën Papa Diosnuax uá, ꞌëx utëcënti ꞌiti ꞌicën.

Mateo 24:30

Usaía ꞌicëbëtan ca uni ꞌinux Nucën Papa Diosnuax uá, ꞌëx utëcënia isti ꞌicën. Isi ca camabi menu ꞌicë ui unicamax cara Nucën Papa Diosmi sináncëma ꞌicë, acamax masá nuituti bënëti inti ꞌicën. Usai ꞌiquin ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia isnuxun ꞌaia.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Mateo 5:15

Usaribi oquin ca unin lamparín bimitancëxun bunánti buinaxun anun mapuquin nanima. Usoquinma ca lamparinëan a xubunu ꞌicë unicama pëcatanun ñu manámi nania.

1 Corintios 1:8

Nucën ꞌIbu Jesucristo utëcëncëbëtan uinu ꞌicë unínbi mitsu ñuiquin —a unix ca ꞌatima ñu ꞌacë ꞌicë —quixun canúnma ca Nucën Papa Diosan mitsúnmi ami catamëquin ꞌatima ñu ꞌaxunma ꞌanun ënquinma mitsu bërúanti ꞌicën.

1 Tesalonicenses 5:2

Mitsun camina upí oquin ꞌunanin, unían sinánmabia an ñu mëcamacë uni imë́ ucësa usaribi ca anúan Nucën ꞌIbu Jesucristo uti nëtë ꞌiti ꞌicën.

2 Tesalonicenses 2:2

Aín uti nëtë ñuiquin ca unin —Nucën Papa Diosan ꞌunánmicëxun cana ꞌunanin, anúan Jesucristo uti nëtë ca uaxa —quixun mitsu cati ꞌicën. Camainun ca raírinënribi —aín uti nëtë ca asérabi sënënia —quixun bana ñuixunquin mitsu cati ꞌicën. Raírinënribishi ca —Pablonën ca nu, anúan Nucën ꞌIbu Jesucristo uti nëtë ca sënënia quixun quirica bëmiaxa —quixun mitsu cati ꞌicën. Usaquian cacëxbi camina bënëti ratuti sináncasmatima ꞌain.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

Santiago 5:8

Usaribi oquin camina mitsun, —Nucën ꞌIbu Jesucristo anun utëcënti nëtë ca ꞌurama ꞌicë —quixun sinánan masá nuituti bënëtima cuëënquin caínti ꞌain.

2 Pedro 3:10

Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.