Lucas 16:24 - Kashibo-Kakataibo Biblia

²⁴ Isi cuëncë́nquin ca cacëxa: ꞌË ca ꞌaquin, Abraham. ꞌËx cana ënë tsinuax ꞌaisamaira paë tanin. Aín mëcën rëbu ꞌunpaxan chabóxuan ꞌën ana matsioi unun ca Lázaro xut.

Nukën 'Ibu Diosan ain unikama 'inan ain bana

²⁴ Isi cuëncë́nquin ca cacëxa: 'Ë ca 'aquin, Abraham. 'Ëx cana ënë tsinuax 'aisamaira paë tanin. Aín mëcën rëbu 'unpaxan chabóxuan 'ën ana matsioi unun ca Lázaro xut.

Lucas 16:24 ပူးပေါင်းရင်းမြစ်များ

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Lucas 16:30

Cacëxun ca ñuñu ꞌiá unin cacëxa: A bana cuatímabi ca unían anu uni bamacë ꞌicënuax cuanxun cacëxun cuati sinanati ꞌicën.

Lucas 19:9

Cacëxun ca Jesusan cacëxa: —Bërí ca ënë xubunu ꞌicë unicama ꞌëmi catamëcë ꞌaish Nucën Papa Diosnan ꞌinux ië́ti ꞌicën, ënë uníxribia Abrahamnën rëbúnqui ꞌain.

Lucas 3:8

Unían mitsu asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain. —Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Romanos 4:12

Judíos unicamax Abraham ꞌiásaribiti ꞌunántioracacë ꞌaíshbi ca axa Abraham ꞌiásaribiti Nucën Papa Diosmi catamëcëcama axëshi asérabi Abrahamnën rëbúnqui ꞌicën.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Santiago 3:6

Tsi chamaratsu usaribi ca nun ana, a cupínu nun cuëbitan banacë, ax ꞌicën. Chamaratsu ꞌaínbi cananuna anun ꞌatimati banati ꞌain. Usai banacë cupí nun sinánribi ꞌatima ꞌixun cananuna ñu ꞌatimaribi ꞌain. Usa ꞌixun ca anúnu ꞌatimati banacë ꞌixun nun bamati nëtë utámainun usabi nu ꞌimiti ꞌicën. Ñunshin ꞌatimanën ꞌapu anbi ca uni ꞌatimati banati sinánmia.

Apocalipsis 19:20

ꞌAcanánia ca ñuinacanꞌëo acëñun a rabiquian Nucën Papa Dios rabixunma ꞌanun quixun an unicama paráncë ñuinacanꞌëo aribi bicanxa. An usoquin unicama paráncë ñuinacanꞌëo ax ca an bëtsi ñuinacanꞌëo ꞌitsa maxcáñu an ismainun unin ꞌacëma ñu ꞌaquin uni paran a ꞌiaxa. Ax ca an ꞌitsa maxcáñu ñuinacanꞌëonan ꞌicë ꞌunántioquin cuënëocë unicama, ꞌimainun an a tanquin ꞌacë ñu rabicë, acama paran a ꞌiaxa. ꞌAcananquin bitancëxun ca a ñuinacanꞌëo rabë́ ꞌianëmëꞌëosa manë tsi anuaxa azufre ꞌimainun manë tsi rëquirucë anu ꞌinun niaxa.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

1 Samuel 28:16

Kakëxun ka Samuelnën bëru ñunshinan kakëxa: —¿Uisati kaina ꞌën Nukën ꞌIbun ka mi ꞌakintima ꞌikë kixun kakë ꞌixunbi mimisa bërí nishia kixun kain?