Lucas 15:4 - Kashibo-Kakataibo Biblia

⁴ ¿Uinu ꞌicë micama achúshinën cara cien carneroñu ꞌaínbia achúshi nëtëtia baritima ꞌic? Raíri noventa y nueve an anu uni ꞌicëma menuxun pasto piia ëbianxun ca axa nëtë́cë a mëranuxun bariti ꞌicën, ¿usa cat?

Nukën 'Ibu Diosan ain unikama 'inan ain bana

⁴ ¿Uinu 'icë micama achúshinën cara cien carneroñu 'aínbia achúshi nëtëtia baritima 'ic? Raíri noventa y nueve an anu uni 'icëma menuxun pasto piia ëbianxun ca axa nëtë́cë a mëranuxun bariti 'icën, ¿usa cat?

Lucas 15:4 ပူးပေါင်းရင်းမြစ်များ

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Ezequiel 34:31

Mitsux kamina ꞌën ꞌarakakë ñuinakamasa ꞌain, usa ꞌaish kamina ꞌën ꞌarakakë ñuinakama ꞌën menu ꞌikësa ꞌain. ꞌËx Dios ꞌaish kana ësai kin. ꞌËx kana atun ꞌIbu ꞌain.”

Ezequiel 34:4

Mitsux kamina an ñuina bërúankë unia aín ñuina bërúankinbi ꞌinsíanxa kushikëma akamaribi ronkima ꞌanan axa aín taëmi ñuax tatimakë a nëaxunkëma usa ꞌianan, axa amami kiax nëtë́kë a barixun upioxun bëkima rishkikin ꞌatima okë usaribi ꞌain.

Ezequiel 34:8

Usa ꞌaínbi kana ꞌëx ñutimoi tsókë ꞌaish ësai kin: Axa pianankë bëtsi bëtsi ñuina raëkëman ꞌakësokin ka axa ami nishkë unikaman, ꞌën ovejakamasa ꞌikëbi an bërúanti uni ꞌaíma ꞌain. Ñuina raëkëman ñuina bixun pikësa ꞌinun ꞌaxa. Mitsux ꞌën ñuina bërúanun nankësa ꞌixunbi kamina ꞌën unikama bëruaiman. An ñuina bërúankë unikamax ka atúxbi bërúankatia, usa ꞌaínbi ka ꞌën ñuina kamasa ꞌikëbi Israel unikama bëruaima.

Mateo 12:11

Cacëxun ca Jesusan cacëxa: —¿Micama uinu ꞌicën caramina anun ñu mëëtima nëtë́an mitsun ꞌaracacë ñuina quininu nipacëtia biquinma isëshiti ꞌain? Camina isëshiquinma biti ꞌain, ¿usa cat?

Lucas 13:15

Quia ca Nucën ꞌIbu Jesusan cacëxa: —Mitsux camina cëmë ꞌain. Mitsux, ꞌaracacë ñuina tëcërëcacëñu ꞌixun, camina nëtë camabi ꞌacësaribi oquin anun ñu mëëtima nëtë́nribi min ñuina ꞌunpax ꞌanun xëxánu buanin.

Lucas 15:3

Usaria canania ꞌunánquin ca Jesusan bana itsi ñuicësoquin ësaquin cacëxa: —Ënëx ca ësa ꞌicën.

Lucas 19:10

ꞌUchañu unicama ainanma ꞌicëbi aín ꞌucha tërë́ncë ꞌianan ainan ꞌinun ië́minux, cana Nucën Papa Diosnuax uni ꞌinux uacën.

Romanos 2:1

Mitsúnmi uni itsi ꞌuchocëbëtanbi ca uni raírinën ꞌunánti ꞌicën, mitsun camina usa ñu ꞌati ca ꞌucha ꞌicë quixun ꞌunanin. Usa ꞌain camina minribi usa ñu ꞌatancëx —ꞌunánxunma cana ꞌa —quitima ꞌain.

1 Pedro 2:25

Carneronëxa ꞌibuñuma ꞌaish ꞌicësari camina mitsux ꞌiacën. Usa ꞌiá ꞌaíshbi camina sinanati Cristomi catamëan. Amia catamëcëxuan aín ꞌibun carnero bëruancësa oquin ca an upími ꞌinun mitsu bërúanquin ꞌaquinia.