Lucas 15:29 - Kashibo-Kakataibo Biblia

²⁹ Cacëxunbi ca aín papa caxa: ꞌItsa baritian cana mi ñu ꞌaxuan, min bana cana uisaquinbi parë́cëma ꞌain. Usa ꞌicëbi camina ꞌëx abë nuibanancë unicamabëtan cuëënquin pinun achúshi chivo bacëratsubi ꞌë ꞌináncëma ꞌain.

Nukën 'Ibu Diosan ain unikama 'inan ain bana

²⁹ Cacëxunbi ca aín papa caxa: 'Itsa baritian cana mi ñu 'axuan, min bana cana uisaquinbi parë́cëma 'ain. Usa 'icëbi camina 'ëx abë nuibanancë unicamabëtan cuëënquin pinun achúshi chivo bacëratsubi 'ë 'ináncëma 'ain.

Lucas 15:29 ပူးပေါင်းရင်းမြစ်များ

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Mateo 20:12

an atu ñu mëëmicë uni caxa: Ënë unicaman ca bënë́nquinshi ꞌitsamashi ñu mëëaxa. Nun nu bari xamárutamainun ꞌanan bari atsíntamainunribi ñu mëëbaitiabi camina an chucúmashi ñu mëëcë unicamami ꞌacësaribi nu cupíon.

Lucas 15:28

Usaquian cacëxun cuati nishi ꞌatimaquin sinani ca xubunu atsíntisama tanxa. Usai ꞌicëbë uquin ca aín papan cuënquin atsínun quixun caxa.

Lucas 15:30

Usa ꞌixunbi camina an min curíquicama xanu ꞌaisamabë ꞌiquin cëñucë min bëchicë ënë́xa uan vaca bacë rëracacë rëmian.

Lucas 15:7

Asérabi cana ꞌën mitsu cain, achúshi uníxa sinanati ami sináncëbë ca Nucën Papa Dios ꞌimainun aín ángelcamaxribi cuëënia. Usa ꞌaish ca noventa y nueve uni an —ꞌëxbi cana asábi ꞌai —quixun sináncë acama isía cuëëncësamaira oi achúshinëxa ꞌaisama ꞌaíshbi sinanati ami catamëtia isi Nucën Papa Dios cuëënia.

Lucas 17:10

Usaribi oquin Nucën Papa Diosan a ꞌanun mitsu cacë ñu ꞌatancëx camina mitsux raíribë ësai cananti ꞌain: “Cananuna an nu ꞌamicëxun ꞌati ñucamaishi ꞌan. Usa ꞌaían Nucën Papa Diosan ꞌaisamaira oquin nu rabitima ca asábi ꞌicën”.

Lucas 18:9

Uni raírinëxa —nuxbi cananuna Nucën Papa Dios quicësabi oi ꞌi —quixun sinani raíri unicama timai atumi nishia ꞌunánquin ca Jesusan bana itsi ñuicësoquin ësoquin cacëxa:

Romanos 10:3

Uisai cara unicama Nucën Papa Diosan iscëx upí ꞌiti ꞌicë quixun ca ꞌunánma ꞌicën. —ꞌËnbi Moisésnën cuënëo bana quicësabi oquin ꞌacë cupíshi ca an ꞌën nuitu upí isia —quixun sinani ca Nucën Papa Dios cuëëncësabi oi Cristomi catamëti sinántisama tanxa.

Romanos 3:27

An usai ca uni ꞌiti ꞌicë quicë bana quicësabi oquin ꞌacë uni, ax sapi ca rabíti ꞌicën, —ꞌën nuitu ca Nucën Papa Diosan upí isia —quixun sinani. Usa ꞌaínbi ca axa Jesucristomi catamëcë unin ꞌunania, —Jesucristo cupíshi ca Nucën Papa Diosan ꞌë upí isia —quixun. Usaquin ꞌunani ca rabitíma.

Romanos 7:9

ꞌËn uisa ñu cara ꞌati ꞌicë, uisa ñu cara ꞌatima ꞌicë quicë bana ꞌunánma ꞌixun cana ñu ꞌaisama ꞌaquinbi usaquin ꞌati ca ꞌaisama ꞌicë quixun ꞌunánma ꞌain. Usai ꞌitancëxunbi cana a bana ꞌunáncën. ꞌUnánquin cana ñu ꞌatima ꞌati ax ca ꞌuchaira ꞌicë quixun ꞌunánxunbi ꞌacë ꞌaish ꞌën ꞌucha cupí Nucën Papa Diosbë ꞌitimoi bamati ꞌiacën.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Apocalipsis 3:17

Mitsux camina quin, ꞌëx cana asábi ꞌain, ñuñu ꞌaish cana cha ꞌain, uisa ñu carana cuëëni, a cana bitsin. Mitsux ënë nëtënu ꞌicë ñuñu ꞌaíshbi camina Nucën Papa Diosan iscëx ñuumasa ꞌianan bëxuñusa ꞌianan chupañumasa ꞌain.