Lucas 15:24 - Kashibo-Kakataibo Biblia

²⁴ —Ca bamaxa —quixun ꞌën sináncëbëbi ca ꞌën bëchicë ënëx ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Ësai quicëbëtan ca ꞌatancëxun cuëënquin picanxa.

Nukën 'Ibu Diosan ain unikama 'inan ain bana

²⁴ —Ca bamaxa —quixun 'ën sináncëbëbi ca 'ën bëchicë ënëx 'ëmi bëbaxa. Usa 'aish ca nëtë́a 'aíshbi bërí nubë 'icën. Ësai quicëbëtan ca 'atancëxun cuëënquin picanxa.

Lucas 15:24 ပူးပေါင်းရင်းမြစ်များ

Génesis 45:28

Sinani ka kiakëxa: “¡ꞌËn kana kuan ꞌën bëchikë José kaisa Egipto menu tsótaxa! Usa ꞌain kana bamaxumaishi isikuanti ꞌain.”

Isaías 35:10

a unikamax ka Nukën ꞌIbun ainan ꞌinun bitëkënkë unikama ꞌiti ꞌikën; usa ꞌaish ka Jerusalén ëmanu atsini kantai kuëënkanti ꞌikën, usai ꞌika anu kuëëni xënibua ꞌaínbi tsóti ꞌikën. Usai kuëëni chuámarua tani anu tsókëbë ka uínsaranbi masá nuituti inkë ax atunu ꞌitëkëntima ꞌikën.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Ezequiel 34:4

Mitsux kamina an ñuina bërúankë unia aín ñuina bërúankinbi ꞌinsíanxa kushikëma akamaribi ronkima ꞌanan axa aín taëmi ñuax tatimakë a nëaxunkëma usa ꞌianan, axa amami kiax nëtë́kë a barixun upioxun bëkima rishkikin ꞌatima okë usaribi ꞌain.

Mateo 8:22

Quia ca Jesusan cacëxa: —Camina ꞌëmi sinánan ꞌëbë cuanti ꞌain. Axa Nucën Papa Diosmi sinántisama tancë uni, an bamacë uni maínun ëanan camina ꞌëbë cuanti ꞌain.

Marcos 8:22

Usaquin cabiani cuanx ca Betsaida cacë ëmanu Jesús bëbacëxa. Bëbacëbëtan ca uni raírinën bëxuñu uni achúshi anu bëquin a isa ramënun quixun caquin bënëacëxa.

Lucas 10:19

Camina ꞌunánti ꞌain, ꞌën cushi cana mitsu ꞌinan. ꞌËn mitsu ꞌináncë ꞌain camina runu ꞌimainun nibanta amatibi asábi ꞌiti ꞌain, uisoquin cara mitsu ꞌaisa tania, tanquinbi ca ñunshin ꞌatimanën mitsu ꞌatima ꞌicën, uisa ñunbi ca mitsu uisabi oima.

Lucas 15:23

ꞌAnan camina vaca bacë rëracacë bëxun rëti ꞌain. A pi cananuna cuëënti ꞌain.

Lucas 15:25

Usaía ꞌimainun ca aín bëchicë apanën naënuxun ñu mëëaxa. Ñu mëëbaiti xubu rarobëtsini uquinbi ca pacon bana ocëbëa sharati cuëënia cuaxa.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 15:4

¿Uinu ꞌicë micama achúshinën cara cien carneroñu ꞌaínbia achúshi nëtëtia baritima ꞌic? Raíri noventa y nueve an anu uni ꞌicëma menuxun pasto piia ëbianxun ca axa nëtë́cë a mëranuxun bariti ꞌicën, ¿usa cat?

Lucas 19:10

ꞌUchañu unicama ainanma ꞌicëbi aín ꞌucha tërë́ncë ꞌianan ainan ꞌinun ië́minux, cana Nucën Papa Diosnuax uni ꞌinux uacën.

Lucas 9:60

Quia ca Jesusan cacëxa: —Axa Nucën Papa Diosmi sinántisama tancë uni, an bamacë uni maínun ëanan camina min, ꞌëmi catamëtia ca Nucën Papa Diosan uni ainan ꞌimia quixun unicama ñuixuni cuanti ꞌain.

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Juan 5:21

ꞌËn Papan ca uni bama abi baísquimitancëxun axa tsónun ꞌimiti ꞌicën. Usaribiquin cana ꞌëx aín Bëchicë ꞌixun ꞌimitisa tanquin ꞌënribi tsónun uni ꞌimiti ꞌain.

Romanos 11:15

Judíos unibunëx Cristomi catamëcëma ꞌaish Nucën Papa Diosnanma ꞌain ca judíosma unibu Cristomi catamëti Nucën Papa Diosnan ꞌia. Usa ꞌaínbi ca judíos unicamaxribi Cristomi catamëcë ꞌaish, uni bamacë ꞌaíshbi baísquicësa ꞌain, Nucën Papa Dios cuëëinra cuëënti ꞌicën.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

Romanos 6:11

Usaribiti camina mitsux Cristobë bamacësa ꞌixun mitsun ꞌucha ashiquin ëncë ꞌaish, abë baísquicësa ꞌaish Jesucristo ꞌicësaribiti Nucën Papa Dios cuëëncësabi oíira ꞌiti ꞌain.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

Efesios 2:1

Mitsun ñu ꞌatima ꞌacë cupí ainanma ꞌaíshmi uni bamacësa ꞌicëbi ca Nucën Papa Diosan mitsu xënibua ꞌaínbi abë ꞌinun ainan ꞌimiaxa.

Efesios 2:5

nux nun ꞌucha cupínu ainanma ꞌaish bamacësa ꞌiá ꞌicëbi ainan ꞌaish upiti tsónun nu ꞌimiaxa, nuxribi bama ꞌaíshbi Cristobë baísquicësa ꞌinun.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

Colosenses 2:13

Mitsun cuëëncësa oquinshi ñu ꞌaími bamacësa ꞌianan judíos unicamaxa ꞌicësaribiti ꞌunántiorcacëma ꞌaish ainanma ꞌicëbi ca Nucën Papa Diosan a cupíshi mitsun ꞌuchacama tërë́nxunquin Cristobë baísquicësa mitsu ꞌimiaxa.

1 Timoteo 5:6

Casunamëcë xanu axa xanu raíri ꞌaquinti sinanima, aín cuëëncësarishi ꞌicë, ax ca bamacëma pain ꞌaíshbi bamacësa ꞌicën.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.

Apocalipsis 3:1

Usaquin catancëxun ca ësaquinribi cuënëonun Jesusan ꞌë caxa: —An axa Sardisnuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa Nucën Papa Diosan Bëru Ñunshin Upíñu ꞌianan an aín mëcënan ꞌispa mëcën achúshi ꞌimainun rabë́ tuíncë, an ca ësaquin mi caia: —Mitsúnmi ñu ꞌacëcama cana ꞌunanin. Unin ca mitsux camina Nucën Papa Diosbë upí ꞌai quixun ñuia. Ñuicëxbi camina usama ꞌaish bamacë unisa ꞌain.