Lucas 14:26 - Kashibo-Kakataibo Biblia

²⁶ —Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Nukën 'Ibu Diosan ain unikama 'inan ain bana

²⁶ —Uix cara 'ën uni 'iisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi 'ëmi sinánti 'icën. Usai 'ianan ca ax upiti tsótishi sinanima 'ëmi sinani 'ëx cuëëncësabi oishi 'iti 'icën. Ui unix cara usai 'iisama tania ax ca 'ën uni 'itima 'icën.

Lucas 14:26 ပူးပေါင်းရင်းမြစ်များ

Salmos 139:22

¡ꞌËn kana atu asérabi istisama tanin! ¡Usa ꞌain kana ꞌëx a unikamami nishkësa ꞌain!

Mateo 10:37

ꞌËn unicaman ca aín papa, aín tita nuibati ꞌicën. Nuibatibi ca atu nuibacësamaira oi ꞌëmi sinánti ꞌicën. Usai ꞌëmi sináncëma ꞌaish ca ꞌën unimasa ꞌicën. Usaribiti ca ꞌëmi sináncësamaira oquian aín bëchicë nuibacë uni ax ꞌën unimasa ꞌicën.

Lucas 14:20

Bëtsi unin ca caxa: Cana mibë cuanti ꞌain, ꞌaínbi cana xanu bitsin. Usa ꞌaish cana mibë cuantima ꞌain.

Lucas 14:25

ꞌAisamaira uníxa abë cuania ca a isi cuainacëquin Jesusan ësoquin cacëxa:

Juan 12:25

Axa ënë nëtënu upiti tsótishi sináncë uni ax ca ainanma ꞌaish Nucën Papa Diosbë ꞌitima ꞌicën. Usa ꞌaínbi ca axa ënë nëtënu ax cuëëncësa oishi upiti tsótishi sináncëma uni, ax ainan ꞌaish nëtë́timoi xënibua ꞌaínbi Nucën Papa Diosbë ꞌia.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Deuteronomio 33:9

atun ka minmi ká banakama kikësabiokin asérabi ꞌaia ꞌanan ka achúshi ñu min atubëtan ꞌa ax kikësokinbi ꞌaia: Usakin ꞌai atux aín papa ꞌimainun aín tita ñui uinsaranbi kana atu iskëma ꞌai kiax kia; kianan ka aín xukë́nkamakëñun aín chirabakëkama: Ñuiribi atu kana ꞌunánima kia, kianan ka aín bakë bëchikë bëbu ꞌimainun xanukamaribi: ñui uin bëchikë kara atux ꞌikë kana ꞌunanima kiax kia.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.