Lucas 13:35 - Kashibo-Kakataibo Biblia

³⁵ Usa ꞌain camina ꞌunánti ꞌain, ꞌën cana ꞌaquinquinma usabimi ꞌinun mitsu ënti ꞌain. ꞌËn cana mitsu cain, mitsun camina utëcënia isquin —Nucën ꞌIbu Diosan xucëxa ucë bërí aia, a ca camabi unin rabiti ꞌicë —quiax quiquin ꞌë rabiti ꞌain. A nëtë utámainun camina ꞌë istëcëntima ꞌain.

Nukën 'Ibu Diosan ain unikama 'inan ain bana

³⁵ Usa 'ain camina 'unánti 'ain, 'ën cana 'aquinquinma usabimi 'inun mitsu ënti 'ain. 'Ën cana mitsu cain, mitsun camina utëcënia isquin —Nucën 'Ibu Diosan xucëxa ucë bërí aia, a ca camabi unin rabiti 'icë —quiax quiquin 'ë rabiti 'ain. A nëtë utámainun camina 'ë istëcëntima 'ain.

Lucas 13:35 ပူးပေါင်းရင်းမြစ်များ

Salmos 118:26

¡Axa Nukën ꞌIbun anën ukë ax ka chuámarua ꞌiti ꞌikën! Usa ꞌain kananuna nun anuxun Dios rabiti xubu anuxunribi mitsu upíokin sinánxunti ꞌain.

Salmos 69:25

Usaia ꞌikëbë ka anua ꞌikankë atun ëma ax anu uni ꞌikëmasa ꞌiti ꞌikën, ꞌimainun ka atun xubu ënkë ꞌain uixi anu ꞌikëmasa ꞌiti ꞌikën;

Isaías 52:7

¡Upíira upíira ka axa bashikama tësapanën, upíira bana bëi aia iskë ax ꞌikën, an ka anun upiti tsóti bana bëia, an ka anúan aín unikama ië́ti bana bëi ukin Jerusalén ësokin kaia, “Min Dios ax ka ꞌapuira ꞌikën!”

Miqueas 3:12

Usa ꞌain kana mitsun ꞌuchakë kupí Jerusalén ëma Sión kakë bashinua ꞌikë a ꞌën bërí ꞌakintima ꞌain, achúshi me anu ñu ꞌapátisama ꞌikë ꞌakësokin, usakin ꞌakëx ka maxax ꞌaisamaira bukunrukësa usaribi ꞌiti ꞌikën ꞌimainun ka anuxun Dios rabiti xubunua ꞌikë me anu ꞌaisamaira xubi muxañu uniti ꞌikën, mitsun mi ñunshinakëkin ꞌatima ñuira ꞌai ꞌuchakë ꞌain.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

Mateo 23:37

Jerusalenu ꞌicë unicama, cana mitsu cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Lucas 19:41

Usai quiquianquin rarobianquin, Jerusalén isi ca Jesús nitë́xëti bëunan mëscuti Jerusalénu ꞌicë unicama cai quicësai quiacëxa:

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.

Juan 12:13

Cuabiani ca camaxunbi xëbin pëchi tëaquin bibiani, bain aia Jesús bëñaquin bitsi biránanquiani riquiancëxa. Riquiancëbëa ucëbë ca munuma banai sharati quicancëxa: —Nucën Papa Dios rabinun ca ꞌacan. Nucën ꞌIbu Diosan xucëx ca Israel unibunën ꞌapu ënëx aia.