Lucas 13:32 - Kashibo-Kakataibo Biblia

³² Cacëxun ca Jesusan cacëxa: —Cuanxun camina uni paráncatsa, Herodes, a cati ꞌain, cana ꞌën ꞌacësabi oquin ñunshin ꞌatima unicamanua chiquíanan ꞌinsíncë unicama pëxcuti ꞌain. Usa ꞌain cana ꞌën ꞌati ñucama sënë́onti ꞌain, bërí, imë́ishi, pëcaratëcëncëbëtanribi nëtë camabi ꞌën ꞌacësabi oquin ꞌaquin.

Nukën 'Ibu Diosan ain unikama 'inan ain bana

³² Cacëxun ca Jesusan cacëxa: —Cuanxun camina uni paráncatsa, Herodes, a cati 'ain, cana 'ën 'acësabi oquin ñunshin 'atima unicamanua chiquíanan 'insíncë unicama pëxcuti 'ain. Usa 'ain cana 'ën 'ati ñucama sënë́onti 'ain, bërí, imë́ishi, pëcaratëcëncëbëtanribi nëtë camabi 'ën 'acësabi oquin 'aquin.

Lucas 13:32 ပူးပေါင်းရင်းမြစ်များ

Marcos 6:14

Usa ꞌain ca uni itsían ꞌacëma ñua Jesusan ꞌaia unicaman chaniocëxa. Chanioia cuati ca Galileanu ꞌicë ꞌapu, Herodes, quiacëxa: —Ax ca Juan, an uni nashimicë, a ꞌicën. Bamaxbi ca baísquiaxa. Usa ꞌixun ca uni itsían ꞌacëma ñu ꞌaia.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 19:30

ꞌAmicëx ca Jesús vino cachacë ꞌatancëx, —ꞌën ꞌati ñu cana cëñuan —qui tëtúbutishi bamacëxa.

Hebreos 2:10

Nucën Papa Diosan ca camabi ñu ainan ꞌinun uniocëxa. Usoquin ꞌá ꞌaish ca, an aín bana cuacë aín bëchicëcamaxa aín nëtënu abë ꞌiti cuëënia. Usa ꞌixun ca axa uni ꞌaish tëmëranan paë tani bamacë cupíshi Nucën Papa Diosan ainan ꞌinun uni ië́minun Jesucristo ꞌimiacëxa.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Hebreos 7:28

Usa ꞌain ca Moisésnën cuënëo bana quicësabi oi Levitan rëbúnqui, ꞌuchañu ꞌaíshbi an judíos unicama Nucën Papa Dios ñucáxunti ꞌia. Usa ꞌaínbi ca an Moisés ꞌinan bana xënibucëbëtan, Nucën Papa Diosan sinanatëcëntimoquin caquin, aín Bëchicë Jesús, axa asérabi ꞌuchañuma ꞌiá ꞌaish usabi ꞌuchañuma ꞌia, an aín unicama a ñucáxunun ꞌimiacëxa.