Lucas 12:50 - Kashibo-Kakataibo Biblia

⁵⁰ Usai ꞌia ꞌinun cana ꞌën pain ꞌaisamaira oquin tëmëraquin paë tanti ꞌain. Usaquin ꞌën tëmëraquin paë tanti ashi sënë́oncatsi cana bënëtin.

Nukën 'Ibu Diosan ain unikama 'inan ain bana

⁵⁰ Usai 'ia 'inun cana 'ën pain 'aisamaira oquin tëmëraquin paë tanti 'ain. Usaquin 'ën tëmëraquin paë tanti ashi sënë́oncatsi cana bënëtin.

Lucas 12:50 ပူးပေါင်းရင်းမြစ်များ

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Mateo 3:6

Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Lucas 12:49

Ësaquinribi ca Jesusan cacëxa: —ꞌËx uá cupí ca unicamax bëtsibë bëtsibë cuëbicanani nishanani tsuáquiruti ꞌicën. Usai ꞌi unicama bënëtishi tsuáquirutibi ca ꞌia.

Juan 18:11

Usoiabi ca Jesusan Pedro cacëxa: —Min manë xëtocë a ca aín xacánu ꞌarutëcën. ꞌËx ënë unicaman bicëx ꞌaisamaira tëmërati ꞌën Papa cuëëncëbë cana usai ꞌiti ꞌain.

Juan 19:30

ꞌAmicëx ca Jesús vino cachacë ꞌatancëx, —ꞌën ꞌati ñu cana cëñuan —qui tëtúbutishi bamacëxa.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 7:10

Usaquin cacëxa aín xucë́antu cuanbi ca Jesús atu caxu cuancëxa, unían —ax ca Jesús ꞌicë —quixun ꞌunánunmaishi.

Hechos 20:22

Usa ꞌain cana Nucën Papa Diosan Bëru Ñunshin Upitan sinánmicësabi oi Jerusalénu cuanin, uisai carana anuax ꞌiti ꞌai quixun ꞌunanimabi.