Lucas 12:37 - Kashibo-Kakataibo Biblia

³⁷ A caíncëxuan an ñu mëëmicë unicaman ꞌuxcëma ꞌicë mëracëx ca an uni ñu mëëxuncë unicamax cuëëinra cuëënti ꞌicën. Cuëënia ca an atu ñu mëëmicë unin mesanu tsónun caquin piti ꞌinánti ꞌicën. Usaquin ꞌacëx ca an ñu mëëxuncë unicamax cuëëinra cuëënti ꞌicën. Ca usai asérabi ꞌiti ꞌicën.

Nukën 'Ibu Diosan ain unikama 'inan ain bana

³⁷ A caíncëxuan an ñu mëëmicë unicaman 'uxcëma 'icë mëracëx ca an uni ñu mëëxuncë unicamax cuëëinra cuëënti 'icën. Cuëënia ca an atu ñu mëëmicë unin mesanu tsónun caquin piti 'inánti 'icën. Usaquin 'acëx ca an ñu mëëxuncë unicamax cuëëinra cuëënti 'icën. Ca usai asérabi 'iti 'icën.

Lucas 12:37 ပူးပေါင်းရင်းမြစ်များ

Mateo 24:42

Uisa nëtën carana min ꞌIbu ꞌaish ꞌëx utëcënti ꞌai quixun ꞌunánquinmabi camina upí oquin sinánquin —ꞌën ꞌibu ca uti ꞌicë —quixun ꞌunani cuëënquin caínti ꞌain.

Lucas 12:43

Cuanx anu ꞌitancëx utëcënquin ca, an ñu mëëxuncë unin cara an cacësabi oquin ꞌaia quixun isti ꞌicën. Isquinbi an cabiancësabi oquin ꞌaia ꞌiscëx ca an a uni ñu mëëxuncë uni ax chuámarua tani cuëënti ꞌicën.

Lucas 17:8

Usaquin caquinma ca ësaquin caia: ꞌËn piti ꞌaruanan a xëati ñuribi mëníotancëxun ca pinun ꞌë bëxun. ꞌËn pain pian camina minribi pianan xëati ꞌain. Usaquin ca caia.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 22:27

¿An piti ꞌacë uni ax cara axa mesanu pi tsócë unibëtan sënën ꞌic? An mesanuxun picë uni ax ca an piti ꞌacë unibë sënë́nmara ꞌicën. Usa ꞌaínbi cana ꞌëx an mitsu ñu ꞌaxuncë a ꞌain.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

1 Corintios 2:9

Nun nu ñuicë banax ca Nucën Papa Diosan bana cuënëosaribi ꞌicën. A banax ca ësai quia: Uinu ꞌicë unínbi ca iscëma ꞌicën, uinu ꞌicë unínbi ca a ñui quia cuacëma ꞌicën, uinu ꞌicë unínbi ca aín sinanën sináncëma ꞌicën, uisairai cara an a nuibacë uni abë ꞌaish ꞌiti ꞌicë quixun, Nucën Papa Diosan mëníosabi oi.

Filipenses 1:21

Ainan ꞌaish cana ënë nëtënuax abë ꞌaish cuëëinra cuëënin. Usai ꞌitancëx bamatancëx cana ënë nëtënuax ꞌicësamairai abë aín nëtënu ꞌaish cuëëinra cuëënti ꞌain.

Filipenses 1:23

Uisaira carana ꞌiti ꞌai quixun sinani cana sináncasmain. Bamatancëx ënë nëtënuax ꞌicësamairai Cristobë aín nëtënu chuámarua ꞌiti sinani cana anu ꞌiisa tanin.

2 Pedro 1:11

Usai ꞌitancëx camina Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, an mëníosabi oi asérabi aín nëtënu abë cëñútimoi ꞌiti ꞌain.

2 Pedro 3:14

ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.

Apocalipsis 14:13

Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.

Apocalipsis 16:15

“Ësai ca ꞌiti ꞌicën: An ñu mëcamacë uníxa unin sináncëma ꞌaínbi ꞌicësaribicuatsini cana ꞌëx uti ꞌain. ꞌËx ucëbë ca an upí ñu ꞌaquin ꞌëx uti caíncë uni, ax cuëënti ꞌicën. Ax ca chupa upí pañucësa ꞌaish rabíntima ꞌicën. Usa ꞌaish ca chupañuma ꞌicëa uni raírinën iscë́xa uni rabíncësaribi ꞌitima ꞌicën”.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.