Lucas 12:35 - Kashibo-Kakataibo Biblia

^35-36 Jesusan ca ësaquinribi aín ꞌunánmicë unicama cacëxa: —Ënëx ca ësa ꞌicën. Achúshi uníxa an xanu bicë unin camicëx, abëtan pi cuanx utëcënia ca an ñu mëëxuncë unicaman cainia. Caínquin ca an uni ñu mëëxuncë unicama an ñu mëëxunuxuan pañucë chupa pañuanan lamparíncama upí oquin bimitancëxun nania. Usoxun caíncëx uquian, xëcuë taxcaia ca cuëënquin bënë́nquinshi atsínmiquin xëocaia. Usaribiti camina mitsux ꞌiti ꞌain, ꞌëx aia caini.

Nukën 'Ibu Diosan ain unikama 'inan ain bana

^35-36 Jesusan ca ësaquinribi aín 'unánmicë unicama cacëxa: —Ënëx ca ësa 'icën. Achúshi uníxa an xanu bicë unin camicëx, abëtan pi cuanx utëcënia ca an ñu mëëxuncë unicaman cainia. Caínquin ca an uni ñu mëëxuncë unicama an ñu mëëxunuxuan pañucë chupa pañuanan lamparíncama upí oquin bimitancëxun nania. Usoxun caíncëx uquian, xëcuë taxcaia ca cuëënquin bënë́nquinshi atsínmiquin xëocaia. Usaribiti camina mitsux 'iti 'ain, 'ëx aia caini.

Lucas 12:35 ပူးပေါင်းရင်းမြစ်များ

1 Reyes 18:46

Usai ꞌimainun ka Diosan Elías kushioia tsitëkërëkinun kakëxa, kakëx ꞌaímai kushioi tsitëkërëkianan aín chupa mëniobiani kuanx ka Jezreel kakë ëmanu abákianx Ahab bëbatisa ꞌaímabi anpan bëbakëxa.

Proverbios 31:17

Usa ꞌain ka kuëënkin ñu mëëia, ñantainshi ꞌapunkin bari kuantamainun ñu mëëia.

Isaías 11:5

Ax ka unían ënkinma aín chupa pañukësa usaribi okin upíokin ñu ꞌai asérabi banati ꞌikën.

Mateo 25:1

Aín ꞌunánmicë unicama bana ñuixunquin ca Jesusan aín uti nëtë ñuiquin ësaquinribi cacëxa: —ꞌËx anun ꞌën unicaman ꞌapu ꞌinux uti nëtë ca ësa ꞌiti ꞌicën: Achúshi unían xanu biti ꞌain ca an axa bënuti xanu nuibacë mëcën rabë́ xanucamax, an xanu biti uni ax aia bitsi, lamparín bibiani cuanxa.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Efesios 6:14

Ñunshin ꞌatima nun nuitu mëúnu abë ꞌacanancë an tanquinbi uisabi otima cupí camina Nucën Papa Diosmi catamëcë ꞌaish Romanu ꞌicë suntárunëan amia catamëti aín manë chupa pañucësa ꞌiti ꞌain. Aín manë chupa pañuquin ca anúan tsitëcërëquiti anun tsitëcërëquianan, aín shican bëpánti manë chupánribi shimápucüanan, aín taxacaribi tañuanan, aín manë mañuti mañuanan, aín manë pará tuíanan aín manë xëtocëribi tuinia. Suntáru aín manë chupami catamëcë ꞌaínbi camina mitsúxribi mitsun nuitu mëu upiti ꞌacananux manë chupa ami catamëti pañucësa ꞌiti ꞌain. Uni paráncëma ꞌianan cëmëima asérabi banan banacë ꞌaish camina suntáru aín manë chupa pañuax upiti tsitëcërëquicësa ꞌiti ꞌain. Ñu ꞌatima ꞌati ëncë ꞌixun upí ñuishi ꞌati sináncë ꞌaish camina suntáru aín shican bëpánti manë chupan shimapucucësa ꞌiti ꞌain.

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.