Lucas 12:28 - Kashibo-Kakataibo Biblia

²⁸ Upíira upí ꞌitancëxbia xanania unin tsin nëëncëx ca a ro ua cëñutia. Usai ꞌinunbi ca Nucën Papa Diosan aín ua upíira upí ꞌimia. Usoquin ꞌacë ꞌain camina ꞌunánti ꞌain, ro ua ꞌacësamaira oquin ca an mitsúnmi pañuti chupa mitsu ꞌinánti ꞌicën. Mitsux usaquin sináncëma ꞌaish camina upiti Nucën Papa Diosmi catamëcëma ꞌain.

Nukën 'Ibu Diosan ain unikama 'inan ain bana

²⁸ Upíira upí 'itancëxbia xanania unin tsin nëëncëx ca a ro ua cëñutia. Usai 'inunbi ca Nucën Papa Diosan aín ua upíira upí 'imia. Usoquin 'acë 'ain camina 'unánti 'ain, ro ua 'acësamaira oquin ca an mitsúnmi pañuti chupa mitsu 'inánti 'icën. Mitsux usaquin sináncëma 'aish camina upiti Nucën Papa Diosmi catamëcëma 'ain.

Lucas 12:28 ပူးပေါင်းရင်းမြစ်များ

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Mateo 14:31

Cuëncë́nquia cacëxun biquin ca Jesusan cacëxa: —¿Uisacatsi caramina ꞌën mi parúmpapa camánanën nicuatsinimi ꞌënu unun ꞌimicëxbi ꞌëmi catamëtiman? Camina ꞌëmi sináncëmasa ꞌain.

Mateo 16:8

Canania ꞌunánquin ca Jesusan cacëxa: —¿Uisa cupí caramina mitsux, pán cananuna bëcëma ꞌai quiax cananin? Mitsux camina ꞌëmi catamëcëmasa ꞌain.

Mateo 17:17

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Mateo 17:20

Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

Mateo 6:30

Upíira upí ꞌitancëxbia xanania unin tsin nëëncëx ca a ro ua cëñutia. Usai ꞌinunbi ca Nucën Papa Diosan aín ua upíira upí ꞌimia. Usoquin ꞌacë ꞌain camina ꞌunánti ꞌain, ro ua ꞌacësamaira oquin ca an mitsúnmi pañuti chupa mitsu ꞌinánti ꞌicën. Mitsux usaquin sináncëma ꞌaish camina upiti Nucën Papa Diosmi catamëcëma ꞌain.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Lucas 8:25

Usoxun ca Jesusan aín ꞌunánmicë unicama cacëxa: —¿Nucën Papa Diosan ca nu bërúanquin ꞌaquinia quixun caramina sinaniman? Cacëx ratuti racuëti ca atúxbi canancëxa: —¿Uisa uni cara ënëx ꞌic? An cacëxun ca suñúanënbi, bacánbi aín bana cuatia.

Hebreos 6:7

Usa unicamax ca anu ñu ꞌapáti meesaribi ꞌicën. Ësa ca. Nucën Papa Diosan, menu ꞌuí ꞌitsa ꞌibúmicëxun chabócëx ca ñu bëru ꞌimainun unían ꞌapácë ñu cotancëx tapunia, tapúanan ca tuaia. Usaía ꞌinúan Nucën Papa Diosan ꞌimicëxa ꞌia ca an ñu ꞌapácë uni an aín naënu ꞌicë ñu pinuxun bitsia.

1 Pedro 1:24

Nucën Papa Diosan bana cuënëo ca ësai quia: Basix ca upí ꞌitancëxbi chushia. Ro uax ca upíira ꞌitancëxbi tiriqui nëtëtia. Usaribiti ca camabi uni bamai aín upí nëtëtia.