Levítico 23:40 - Kashibo-Kakataibo Biblia

⁴⁰ Nëtë ꞌirutabakë anun kamina mitsun ñu ꞌapákë aín bimi upíirabu tsasikin bianan, xëbin pëchi ꞌimainun i pëi ꞌaisamaira këñun áloma kakë i, baka kuëbí kookë aín pëi akama bitankëxun mitsun ꞌuta anu mi ꞌiti ꞌati ꞌain, ꞌatankëx kamina anuax mapai achúshi ꞌimainun rabë́ nëtë ꞌimi ꞌë rabi kuëënkanti ꞌain.

Levítico 23:40 ပူးပေါင်းရင်းမြစ်များ

Salmos 137:2

Álamos kakë ëma rapasu ꞌikë i aín pëñanu kananuna nun arpakama bëntankën.

Isaías 35:10

a unikamax ka Nukën ꞌIbun ainan ꞌinun bitëkënkë unikama ꞌiti ꞌikën; usa ꞌaish ka Jerusalén ëmanu atsini kantai kuëënkanti ꞌikën, usai ꞌika anu kuëëni xënibua ꞌaínbi tsóti ꞌikën. Usai kuëëni chuámarua tani anu tsókëbë ka uínsaranbi masá nuituti inkë ax atunu ꞌitëkëntima ꞌikën.

Isaías 44:4

Usokëx ka xubi ꞌumpaxan upíokin chabókëx koi upiti ꞌirukësa ꞌianan, álamo kakë ikama baka kuëbí nikësa usaribi ꞌikanti ꞌikën.

Levítico 23:39

Mapai achúshi ꞌimainun rabë́ ꞌuxë ꞌikë anua mapai rabë́ ꞌimainun mapai achúshi nëtë, anun mitsun ñu ꞌapákë bikin sënë́onkë ꞌain kamina, achúshi fiesta ꞌakin ꞌë rabi mapai achúshi ꞌimainun rabë́ nëtë ꞌimi timë́kanti ꞌain, a pëkarakëbë ka anun tantiti nëtëribi ꞌiti ꞌikën.

Levítico 23:41

Kamabi baritia anúan mapai achúshi ꞌimainun rabë́ ꞌuxë ꞌirukë, anun kamina mapai achúshi ꞌimainun rabë́ nëtë inúkin ꞌë rabikin achúshi fiesta ꞌai timë́kanti ꞌain. Ax ka usaibi ꞌikanti achúshi bana ꞌikën, usa ꞌikë ka aín papan tan ꞌikë ain bëchikë kamanribi tanti ꞌikën.

Mateo 21:8

Usaía burron cuancëbëtan ca ꞌaisamaira unin anun Jesús cuanti bainu anúan mapúcë chupabi ꞌapámainun bëtsi bëtsi unin i pëchi chuíshcaxun anúan Jesús cuantinu ꞌapácëxa.

Juan 12:13

Cuabiani ca camaxunbi xëbin pëchi tëaquin bibiani, bain aia Jesús bëñaquin bitsi biránanquiani riquiancëxa. Riquiancëbëa ucëbë ca munuma banai sharati quicancëxa: —Nucën Papa Dios rabinun ca ꞌacan. Nucën ꞌIbu Diosan xucëx ca Israel unibunën ꞌapu ënëx aia.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

Deuteronomio 12:12

ꞌImainun kamina anuxun Nukën ꞌIbu Diosan isnun fiesta ꞌakin, mitsun bakë bëchikëkama ꞌimainun an mi ñu mëëxunkë unikama ꞌimainun axa mitsubë ꞌikë, levita unikama mitsún biti me a bitima ꞌikën.

Deuteronomio 12:7

ꞌInánkin kamina xubusa okin chupa ꞌakë anuxun mitsun aintsikamabëtanbi xara okëxa tëxëkëkama kuëënkin piiti ꞌain, ax ka ñu mëia Diosan mitsun ñu ꞌapákë ain bimi ꞌimainun mitsun ñuinakamaribi ꞌaisamaira ꞌinun ꞌimikë ꞌikën.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

Apocalipsis 7:9

Usaquin cuatancëxun cana unin tupúntisama, ꞌaisamaira uni isan. Acamax ca camabi menuax ucë ꞌaish bëtsi bëtsi unibu ꞌiaxa. Usa ꞌaish ca bëtsi bëtsi banan bananan anua Nucën Papa Dios, ax ꞌApuira ꞌicë, a ꞌimainun Carnero ꞌicësaribitia unin ꞌucha cupí bama, aín bëmánon sëtë́cë ꞌiaxa. A camáxbi ca aín chupa uxua ꞌianan xëbin pëchisa ñu pëchi tuíncë ꞌiaxa.