Levítico 23:34 - Kashibo-Kakataibo Biblia

³⁴ Ësokin kamina Israel unikama kati ꞌain: Mapai achúshi ꞌimainun rabë́ ꞌuxë ꞌitankëxa anun mapai rabë́ ꞌimainun mapai achúshi nëtë ꞌikëbëtan ka anun ꞌuta ꞌatankëxun anu timë́xun mapai achúshi ꞌimainun rabë́ nëtë ꞌimikin ꞌë rabikanti ꞌain,

Levítico 23:34 ပူးပေါင်းရင်းမြစ်များ

1 Reyes 12:32

ꞌAnan ka anbi ꞌati kuëënxun anun bëtsi ñu rabikin fiesta ꞌati nëtë nankëxa, a ka mapai achúshi ꞌimainun rabë́ ꞌuxë ꞌirukë axa mapai rabë́ nëtë ꞌikë a nëtë nankëxa, nankë ꞌain ka anuxun Judánu ꞌikë unikaman fiesta ꞌakëxa, ꞌakin ka anuxun xaroti ꞌakë anuxun ñuina xarokëxa. Ësokin Betelnuxun ꞌakin ka vaca bakë tankin ꞌakë a ñuina xaroxuankëxa, ꞌanan ka an vaca bakë tankin ꞌakë rabikin ñuina xaroxunti sacerdote anëakëxa.

1 Reyes 8:2

Anúan ꞌaisamaira uni mapanati okin atun ꞌuta ꞌax ꞌikanti fiesta nëtë ꞌiti mapai achúshi ꞌimainun rabë́ ꞌuxë këñuti kuankëbë ka ꞌapu Salomónbë kamabi Israel aín kushikama timëakëxa.

1 Reyes 8:65

Usakin ka Salomónnën kamabi Israelkama axa anu timë́kamë ꞌëokë unikama ꞌimainun Hamat kakë ëmanuaxa rikuatsinkë ꞌianan, anua Egipto me sënënakëkë anuaxribia rikuatsimainun Israelkama anua ꞌikankë menuax uxun ꞌuta ꞌax ꞌiti fiesta anun Dios rabikin ꞌakankëxa, ꞌanan ka bëtsi fiestaribi anuxunbi mapai achúshi ꞌimainun rabë́ nëtë sënë́nmikin ꞌakankëxa, usakin a fiesta rabë́ ꞌakin ka catorce nëtë sënë́nmikin ꞌakankëxa.

Esdras 3:4

ꞌAnan ka anun ꞌuta ꞌati fiesta nëtë aribi rabi timë́xun anun ñuina xaroti nëtë ꞌikëbëtan nëtë́tibi a tanti bana kuënëo ax kikësabiokin atun ꞌakësabi okin, ñuina xarokin, uiti ꞌitsa achúshi nëtën ꞌati kara atibi ꞌakëxa,

Nehemías 8:14

timë́xun kuakëxbi ka kirikanua Diosan usakin kuënëonun kakëxuan Moisésnën kuënëo bana ax kara uisai kia kuakatsi timë́kankëxa, kamabi Israel unikamax ka timëkamë ꞌëoxun fiesta ꞌai ꞌuta ꞌatankëx mapai achúshi ꞌimainun rabë́ ꞌuxë ꞌikëbë anu ꞌiti ꞌikë kiax kikë bana kirikanua kuënëo ꞌikë mërakëxa.

Éxodo 34:22

Kamina mapai achúshi ꞌimainun achúshi nëtë a sinánkin anumi mitsun ñu ꞌapákë ax pain bimikë bikë aín fiesta ꞌianan, a baritian mi mitsun trigo bimi bikin sënë́onkë a ꞌiti ꞌikë kixun ka Diosan kakëxa.

Levítico 23:33

Amiribishi ka Nukën ꞌIbun Moisés katëkëankëxa:

Levítico 23:42

Anúan mapai achúshi ꞌimainun rabë́ nëtë ꞌikë anun ka kamabi israel unikaman, bakë bëchikëkama anuabi bakë́an atux, ꞌuta ꞌatankëx anu ꞌiti ꞌikën,

Levítico 23:43

usai ꞌiá ꞌikë ka kamabi mitsun rëbúnkikaman ꞌunánti ꞌikën, Egipto menua ꞌën chikínbëtsinkin bëkëx ka Israel unikamax ꞌuta ꞌatankëx anu ꞌiakëxa kixun. ꞌËx kana mitsun ꞌIbu Dios ꞌain.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 7:2

Usa ꞌain ca Nucën Papa Dios rabinuxa, judíos unicamax anun Jerusalénu timëti ꞌutanu ꞌiti nëtë, a ꞌurama ꞌain,

Deuteronomio 31:10

ꞌimainun kana ësokinribia ꞌanun kixun kakën: Mapai achúshi ꞌimainun rabë́ baritia ꞌikëtibi kamina anun mitsun ribin mënioi a nëtë inuti ꞌuta ꞌatankëx anu ꞌikin achúshi fiesta ꞌai ꞌikanti ꞌain,

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 11:9

Nucën Papa Diosmi catamëcë ꞌaish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu ꞌaísh ca aín menumabia uni tsócësa ꞌiacëxa. Anu ꞌaíshbi ca upí oquin xubuoíma, chupa ꞌacë xubunuishi ꞌiacëxa. Usaribiti ca aín bëchicë Isaac ꞌimainun Isaacnën bëchicë Jacob, acamaxribi ꞌiacëxa. —Abraham, mix camina ꞌënan ꞌiti ꞌain, min rëbúnquicamaribi ca ꞌën uni ꞌiti ꞌicë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, ꞌimainun Isaacnën bëchicë, Jacob, cacëxa.