Levítico 23:32 - Kashibo-Kakataibo Biblia

³² Ax ka achúshi nëtë anun mitsux tantianan pima samáti nëtë ꞌiti ꞌikën, usa ꞌain ka mapai achúshi ꞌimainun rabë́ këñun rabë́ nëtë ꞌikë a xupibukëbëtan onxun a pë́karakë a xupibutëkënkëbëtan anun sënë́onti ꞌikën.

Levítico 23:32 ပူးပေါင်းရင်းမြစ်များ

Salmos 51:17

Mi ñuina ꞌaxun xaroxunkë usamaira ka uin kara Dios ꞌikë; ¡asérabi ain nuitunënbi mi sinania ax ꞌikën usa ꞌikë kamina timaiman! (Ënë banax ka Davidtan kuënëomasa ꞌikën, usa ꞌaish ka bëtsi menu buánkë ꞌixuan uni itsin kuënëosa ꞌikën Jerusalén ëma anun kënëkë kënë rurupa ꞌain.)

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Levítico 16:29

Ënëx ka achúshi bana ax kikësabi oi mitsux ꞌiti bana ꞌiti ꞌikën: mapai achúshi ꞌimainun rabë́ ꞌuxë ꞌirukë anúan mapai rabë́ sënë́nkë nëtë anun kamina mitsux ñu pima samáti ꞌain, ꞌimainun kamina mitsun ñu mëtikamaribi a nëtën ꞌatima ꞌain, usakin mitsun ꞌakëbëtan ka axa mitsubë tsókë bëtsi menu ꞌikë unikaman usaribi okin ꞌati ꞌikë,

Levítico 16:31

Ax ka a ënima xënibua ꞌaínbi ax kikësabi oi ꞌiti bana a ꞌikën: ax ka achúshi nëtë upíira mitsunan anun ñu pima tanti samáti nëtë ꞌiti ꞌikën.

Levítico 23:27

Mapai achúshi ꞌimainun rabë́ ꞌuxë ꞌirutankëxa mapai rabë́ nëtë ꞌirukë anun ka mitsun ñu ꞌatima ꞌakëkama tërënti nëtë ꞌiti ꞌikën. A nëtë ꞌikëbëtan kamina añu ñubi piima upiti samáti timë́xun ꞌë nanxunkë ñukama anuxunbi ꞌati ꞌakë anuxun xaroti ꞌain.

Levítico 23:31

Anun kamina uisa ñu mëëtibi ꞌatima ꞌain. A banax ka uínsaranbi ënkinma ax kikësabiokin ꞌati ꞌikën, usa ꞌikë ka ain papan tan ꞌikë ain bakë bëchikë kamanribi uinu ꞌikë menu kara tsotia anuxunbi tanti ꞌikën.

Levítico 23:33

Amiribishi ka Nukën ꞌIbun Moisés katëkëankëxa:

Mateo 5:4

Axa masá nuitucë uni a ca Nucën Papa Diosanbi aín masáquin sináncë nëtë́miti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

1 Corintios 11:31

Usa ꞌaínbi ca nun ꞌuchacama mëníocë ꞌixun —asérabi ca Jesucristo cupí Nucën Papa Diosan iscëx ꞌën nuitu upí ꞌicë —quixun sinánquinu pán ꞌimainun bimi baca ꞌaia, Nucën Papa Diosan nu ꞌuchotima ꞌicën.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 4:3

Nucën raracama ñuiquin cuënëo bana ca ësai quia: Atumi nishi cana sinanatëcëntimoi a unicama ñui quiacën: Atux ca a ꞌën atu ñuixuncë me anu chuámarua bucunux bëbatima ꞌicën. Atúxa usai ꞌiá ꞌaínbi cananuna nux Nucën Papa Diosmi catamëti ax nubë ꞌain chuámarua ꞌi cuëënin. Usaínu ꞌitioquin ca Nucën Papa Diosan camabi ñu unioquin mëníocëxa,