Levítico 23:28 - Kashibo-Kakataibo Biblia

²⁸ ꞌAnan ka a nëtën uisa ñu mëëtibi ꞌatima ꞌikën, ax ka anun ñu ꞌatima ꞌakëkama mëníoti nëtë ꞌiti ꞌikën, a nëtën kana ꞌën mitsun ꞌuchakama tërënti ꞌain.

Levítico 23:28 ပူးပေါင်းရင်းမြစ်များ

Isaías 53:10

Nukën ꞌIbun ka ꞌitsaira a tëmëramisa tankëxa. Usai ax unin ꞌucha kupí ñukë ꞌixun ka ꞌitsaira baritia xënibua, ꞌaínbi tsókin aín rëbúnkikama isti ꞌikën; usa ꞌixun ka Nukën ꞌIbu kakësabiokin an sinánkësa okin ꞌati ꞌikën.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Levítico 16:30

usakin ꞌakëbëtan a nëtënbi mitsun ꞌuchakama ꞌën tërënxunkëbë ka a ñukama mëníokin tërënxukë ꞌaish atux upí ꞌiti ꞌikën.

Levítico 16:33

Usai mëníokatankëxun ka kata itsi upíira upí kakë a mëníonan xubusa okin chupa ꞌakë aribi ꞌanan anuxun ñuina xarokë aribi mëníoti ꞌikën, ꞌusakin ꞌakëbëtan kana sacerdotenën ꞌatimakëkama ꞌanan kamabi unix ꞌatimakëkama tërënti ꞌain.

Levítico 16:34

Ënëx ka uínsaranbi ënimami ax kikësabi oi mitsux ꞌiti achúshi bana ꞌiti ꞌikën: usa ꞌain ka achúshi achúshi baritia ꞌirukëbëtan a sinánkin ënë bana kikësabiokin Israel unikaman aín ꞌucha tërënun ꞌati ꞌikën. Usakin anua Nukën ꞌIbun Moisés kásabiokin ka usakin ꞌakëxa.

Levítico 23:27

Mapai achúshi ꞌimainun rabë́ ꞌuxë ꞌirutankëxa mapai rabë́ nëtë ꞌirukë anun ka mitsun ñu ꞌatima ꞌakëkama tërënti nëtë ꞌiti ꞌikën. A nëtë ꞌikëbëtan kamina añu ñubi piima upiti samáti timë́xun ꞌë nanxunkë ñukama anuxunbi ꞌati ꞌakë anuxun xaroti ꞌain.

Hebreos 10:10

Jesucristo aín Papa Dios cuëëncësabi oi, bamatsianxmabi achúshitishi bama ꞌain cananuna nux Cristo bama cupí Nucën Papa Diosan iscëx nun ꞌucha tërë́ncë ꞌaish asérabi ainan ꞌain.

Hebreos 10:14

Usa ꞌain ca achúshitishi bama ꞌixun axa ami catamëcë unicama aín ꞌucha tërë́anan nëtë́timoia abë upí ꞌinun ꞌimia.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.

Hebreos 9:26

ꞌItsai atsínux ca ꞌitsai bama ꞌitsíanxa. Usa ꞌaínbi ca Cristo aín uti nëtë sënë́ncëbë uni ꞌinux uá ꞌaish bamatsianxmabi achúshitishi unin ꞌucha cupí bamacëxa.

1 Juan 2:2

Jesucristo axa bama cupí ca nun ꞌuchacama tërë́ncë ꞌicën. Nunanshima camabi unin ꞌuchacamaribia tërë́ncë ꞌinun ca Jesucristo bamacëxa.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.

1 Juan 5:6

Jesucristo ax ca axa ꞌunpaxan nashimicë ꞌianan aín imi ꞌapati bama a ꞌicën. ꞌUnpaxan nashimia ashima aín imi ꞌapati bamaribi ca ax ꞌicën. Nucën Papa Diosan Bëru Ñunshin Upitanribi ca —Jesús ax ca Cristo, asérabi Nucën Papa Diosan Bëchicë, a ꞌicë —quixun nu ꞌunánmia. Nucën Papa Diosan Bëru Ñunshin Upí ax ca Nucën Papa Diosan sinánsaribi ꞌicën.