Levítico 23:19 - Kashibo-Kakataibo Biblia

¹⁹ ꞌAnan kamina achúshi chibu mitsun ꞌucha kupín xarokë ꞌitánun ꞌinánti ꞌain, ꞌimainun kamina rabë́ carnero achúshi baritiañu mitsun ñu ꞌatima ꞌakëkama mëníonani timë́xun Diosan istisabi oi kuëënkin pikanti nanti ꞌain.

Levítico 23:19 ပူးပေါင်းရင်းမြစ်များ

Levítico 16:15

usakin ꞌatankëx anuax chikítankëxun ka chibu aribi Israel unibunën ꞌucha kupí rëti ꞌikën, rëkin aín imi ꞌitsamashi xampami bitankëxun ka kata itsi upíira a ꞌukëmëu ꞌikë chupan bëpankë a kaxú uantakëxun; anun bunántisa okin kurin ratakakakin ꞌakë aín mapúti kaxú ꞌanan aín rëbu vaca bëna imin ꞌakësaribi okin anun ánskati ꞌikën.

Levítico 23:18

A pánkama këñunbi kamina mapai achúshi ꞌimainun rabë́ carnero aín upíira uisaibi ꞌikëma achúshi baritiañu, ꞌimainun achúshi vaca bëna këñun rabë́ carnero, akamabi timëtankëxun ꞌë ꞌaxunkin xaroxunkë ax ka sanuira ro xëkësa ꞌinun ꞌë ꞌaxúnti ꞌikën, ꞌimainun kamina mitsun ñu ꞌapákë akëñun uvas baka vino ꞌakë aribi ꞌë nanxunti ꞌain.

Levítico 23:20

Nania ka sacerdotenën ñuinakama nanxunkë a këñunbi trigo aín bimi pán ꞌakë a ꞌimainun carnero rabë́ a ꞌë ꞌaxunkin xaroti ꞌikën. Ax ka ꞌënan upíira ꞌianan sacerdote kamananribi upí ꞌiti ꞌikën.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.