Levítico 23:17 - Kashibo-Kakataibo Biblia

¹⁷ ꞌimainun kamina mitsun trigo putuakë aín upí anun chamiti ñukëñun ꞌakë pán rabë́ aribi buánti ꞌain, ax ka rabë́ ꞌimainun rabë́ kilosa harina achúshi achúshi ꞌakë ꞌiti ꞌikën, ax ka a painmi mitsun ꞌapákë trigo aín bimi ꞌë ꞌinánti bikë a ꞌiti ꞌikën.

Levítico 23:17 ပူးပေါင်းရင်းမြစ်များ

Éxodo 34:22

Kamina mapai achúshi ꞌimainun achúshi nëtë a sinánkin anumi mitsun ñu ꞌapákë ax pain bimikë bikë aín fiesta ꞌianan, a baritian mi mitsun trigo bimi bikin sënë́onkë a ꞌiti ꞌikë kixun ka Diosan kakëxa.

Éxodo 34:26

Mitsun ñu ꞌapákë ax pain bimikë aín bimi upíirabu bitankëxun kamina anuxun ꞌë rabiti xubusokin ꞌakë anu uanti ꞌain. ꞌAnan kamina cabranën tuá aín bënë rëtankëxun aín titan xuma bixun anun ꞌarutima ꞌain.

Levítico 23:10

Israel unikama kamina ësokin kati ꞌain: Uínsaran kaina ꞌën mitsu ꞌinánuxun ka me anu bëbai kuani, anun kamina mitsun ꞌapákë trigo ax pain tuatabakë a nëakin bixun kamina sacerdote unikama ꞌinánti ꞌain.

Levítico 23:18

A pánkama këñunbi kamina mapai achúshi ꞌimainun rabë́ carnero aín upíira uisaibi ꞌikëma achúshi baritiañu, ꞌimainun achúshi vaca bëna këñun rabë́ carnero, akamabi timëtankëxun ꞌë ꞌaxunkin xaroxunkë ax ka sanuira ro xëkësa ꞌinun ꞌë ꞌaxúnti ꞌikën, ꞌimainun kamina mitsun ñu ꞌapákë akëñun uvas baka vino ꞌakë aribi ꞌë nanxunti ꞌain.

Mateo 13:33

Bana itsi ñuicësoquin ñuixunquin ca Jesusan anu ꞌicë unicama ësaquinribi cacëxa: —Nucën Papa Dios naínu ꞌicë an cara ainan ꞌiti unicama uisoquin aín uni ꞌimiti ꞌicë quiax cana anun pán chamiti ñu ñui quin. Xanúan xuicëma pain ꞌixun anun pán chamiti ñucëñun mëscucëx ca aín xëquíon mësioti rëncë ax chaia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.

Romanos 8:23

Camabi ñun a Nucën Papa Diosan ióotëcënun caínmainun cananuna nunribi Nucën Papa Diosan nu ióotëcënun bënë́quin cainin. Nucën Papa Diosan nu aín Bëru Ñunshin Upí nubë ꞌinun ꞌináncë ꞌain cananuna ꞌunanin, an ca asérabi camabi aín bana quicësabi oquin nu ꞌimiti ꞌicë quixun. Usaquin ꞌunánquin cananuna nun aín bëchicë ꞌaish aín nëtënu bëtsi namiñu ꞌiti cainin.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.